Соёл, спорт, аялал жуулчлал, залуучуудын яамны харьяа Кино урлагийн зөвлөл нь БНСУ-ын Ханнарэ Соёлын сан, Монгол Улсаас БНСУ-ын Пусан хотод суугаа Консулын газрын дэмжлэгтэйгээр “МОНГОЛ КИНО ӨДӨРЛӨГ” арга хэмжээг гурав дахь жилдээ Пусан хотын кино ордонд 2026 оны дөрөвдүгээр сарын 16-18-ны өдрүүдэд зохион байгуулах гэж байна.
Энэхүү өдөрлөгийн хүрээнд
• Найруулагч Э.Ган-Очир “Их говийн манаач” баримтат кино
• Найруулагч С.Баттулга “Эцэг” уран сайхны кино
• Найруулагч Л.Таванбаяр “Хадам ээж” уран сайхны кино
• Найруулагч Э.Нямжаргал “Зүрхний Сараан” уран сайхны кино бүтээлүүдийг нийт 9 удаагийн гаралт бүхий үзвэрийн хуваарийн дагуу олон нийтэд толилуулах юм.
