Монгол Улсад хуванцар хаягдлыг дахин боловсруулах үйлдвэрүүд ажиллаж, жилд 18,500 тонн хуванцар дахин боловсруулах хүчин чадал байгаа ч бодит байдал дээр ойролцоогоор 10,000 тонн хуванцар хаягдал л боловсруулагдаж байна. Энэ нь дахин боловсруулах боломжтой нөөцийн ихээхэн хэсэг бүрэн ашиглагдахгүй байгааг харуулж байна.
Судалгаанаас үзэхэд ахуйн хог хаягдлын тодорхой хувийг хуванцар эзэлдэг бөгөөд Монгол Улс нэг хүнд ногдох хуванцар хог хаягдлын хэмжээгээр дэлхийн дээгүүр байр эзэлж буй нь хог ангилан ялгах тогтолцоо, түүхий эдийн нийлүүлэлт, иргэдийн оролцоо хангалтгүй байгаатай холбоотой гэж үзэж байна.
ШИЙДЭЛ ЭНГИЙН:
• Хогоо ангилж хэвшье.
• Нэг удаагийн хуванцраас татгалзъя.
• Хуванцрын хэрэглээг багасгая.
