2010-аад оны эхэн үеийн загварын бэлгэ тэмдэг болсон Isabel Marant-ын Bekett үргэлж өсгийтэй пүүз эргэн ирлээ. Өөрөөр хэлбэл нэг хэсэг “хуучирсан тренд” мэт санагдаж байсан энэ загвар сүүлийн үед дахин анхаарал татаж байна. Тэгэхээр та дуртай ч бай, дургүй ч бай 2026 онд үргэлж өсгийтэй пүүзийг илүү олонтаа харах нь гарцаагүй.
Анх Bekett пүүз зах зээлд гарч байх үед спорт ба эмэгтэйлэг хэв маягийг нэгтгэсэн нь тухайн үеийн street style-ийн дүр төрхийг тодорхойлж байв. Өндөр өсгийтэй хэрнээ пүүзний тав тухыг хадгалсан энэхүү загвар нь загвар сонирхогчдын дунд богино хугацаанд трэнд болж, улмаар хэт их хэрэглээний улмаас хэсэг хугацаанд “моодноос гарсан” гэж тооцогдсон юм. Харин энэ удаад уг тренд том логотой, спортлог хэлбэрээс илүү цэвэр силуэт, монохром өнгө, минимал хийцээр эргэн ирж байгаа нь онцлог.
