Анх удаа орон сууц худалдан авсан иргэн хувь хүний орлогын албан татварын хуулиар нийт үнийн дүнгийн 6 хүртэлх сая төгрөгийг буцаан олголтоор авдаг. Мөн хүүхэд тань оюутан болж дотоод, гадаадын их, дээд сургуульд суралцаж байгаа бол сургалтын төлбөрийн 10 хүртэлх хувийн буцаан олголтын хөнгөлөлт эдэлдэг.
Татварын буцаан олголтын хүсэлтийг энэ оны нэгдүгээр сарын 1-нээс эхлэн авч эхэлсэн. Иймд буцаан олголт авахад бүрдүүлэх шаардлагатай материалын мэдээллийг хүргэе.
Орон сууцны хөнгөлөлтөд 6 хүртэлх сая төгрөг буцаан олголтоор авдаг учраас иргэн тухайн жилдээ татвар ногдсон орлогын хувь хэмжээнээс хамаарч эдэлнэ.
Тэгэхээр төлсөн татварын хувь хэмжээнээс хамааран өнгөрсөн жил 2 хүртэлх сая төгрөг эдэлсэн бол үлдсэн 4 хүртэлх сая төгрөгийг дараагийн татварын жилд шилжүүлэн тооцон хөнгөлөлт авах боломжтой юм.
АНХ УДАА АМЬДРАН СУУХ ЗОРИУЛЛАТЫН ОРОН СУУЦ ХУДАЛДАН АВСАН ЭХНИЙ ЖИЛД
Хувь хүний орлогын татварын ТТ-06 тайлан бэлтгэж, дараах бүрдүүлэх материалыг хавсаргаж татварын цахим системд илгээнэ.
Цахим тайлангийн системд автоматаар татагдах материал:
- Иргэний үнэмлэх “ХУР” системээс
- НД-ын лавлагаа “Хур” системээс
- Үл хөдлөх эд хөрөнгийн лавлагааг “Хур” системээс Ү-дугаараар автомат
- Хувь хүнээс худалдан авсан бол “Үл хөдлөх хөрөнгө борлуулсны 2 хувийн татвар төлсөн баримт /төлбөрийн даалгаврын дугаар/
- Захиалгын гэрээгээр худалдан авсан бол борлуулагчаас төлбөрийн баримт авсан байх /сугалааны дугаар, дахин давтагдашгүй дугаар/
Татвар төлөгчийн файлаар хавсаргах материал:
- Худалдах, худалдан авах гэрээ эсвэл захиалгын гэрээ
- “Орлого нотлох баримт” Татвар төлсний дараах орлогоор худалдан авсныг нотлох баримт /арилжааны банк болон банк бус санхүүгийн байгууллагаас авсан зээл, хадгаламж гэх мэт/
- Буцаан олголт авах хүсэлт бөглөх
ОРОН СУУЦНЫ БУЦААН ОЛГОЛТ ХОЁР ДАХЬ ЖИЛД
Цахим тайлангийн системд автоматаар татагдах материал:
- Иргэний үнэмлэх “ХУР” системээс
- НД-ын лавлагаа “ХУР” системээс
- Үл хөдлөх эд хөрөнгийн лавлагааг “ХУР” системээс Ү-дугаараар автомат
Татвар төлөгчийн файлаар хавсаргах материал:
- Буцаан олголт авах хүсэлт бөглөх
АМЬДРАН СУУХ ЗОРИУЛАЛТТАЙ БАЙР, ОРОН СУУЦ БАРЬСАН ТОХИОЛДОЛД
Тайлан гаргахад:
- “Иргэний үнэмлэх” ХУР системээс автомат
- “НД-ын лавлагаа” ХУР системээс автомат
- “Үл хөдлөх эд хөрөнгийн лавлагааг” ХУР системээс Ү-дугаараар автомат
- Дээрх мэдээлэл нь цахим тайлангийн системд татах үйлдэл хийснээр автоматаар татагдана.
Татвар төлөгчийн бүрдүүлэх материал:
- “Хөрөнгийн үнэлгээний тайлан” үнэлгээчнээр үнэлүүлэх
- “Орлого нотлох баримт” Арилжааны банк болон банк бус санхүүгийн байгууллагаас авсан зээл, эсвэл татвар төлсний дараах орлого байна.
- Цахим тайлан гаргах, илгээх /e-tax.mta.mn/
- Буцаан олголт авах хүсэлт /цахим тайлангийн хавсралтаар байна/
ДОТООТОД СУРАЛЦДАГ ОЮУТНУУД ТӨЛБӨРИЙН БУЦААН ОЛГОЛТ АВАХАД
Тайлан гаргахад:
- Иргэний үнэмлэх /ХУР системээс автоматаар татагдана/
- Нийгмийн даатгалын лавлагаа /ХУР системээс автоматаар татагдана/
Татвар төлөгчийн бүрдүүлэх материал:
- Цахим тайлан гаргах, илгээх /e-tax.mta.mn/
- Сургуулийн тодорхойлолт
- Сургалтын төлбөр төлсөн баримт
- Буцаан олголт авах хүсэлт /цахим тайлангийн хавсралтаар байна/
ГАДААДАД СУРАЛЦДАГ ОЮУТНУУД ТӨЛБӨРИЙН БУЦААН ОЛГОЛТ АВАХАД
Тайлан гаргахад:
- Татвар төлөгчийн иргэний үнэмлэх /ХУР системээс автомат/
- Нийгмийн даатгалын лавлагаа /ХУР системээс автомат/
- Сургуулийн тодорхойлолт баталгаат орчуулгын хамт /файлаар хавсаргах/
Татвар төлөгчийн бүрдүүлэх материал:
- Хүүхдийн иргэний үнэмлэх эсвэл төрсний гэрчилгээ /хавсралтаар/
- Тайлант онд сургалтын төлбөр төлсөн баримт /баримтын баталгааг орчуулгын хамт файлыг Монгол хавсаргах/
- Цахим тайлан гаргах, илгээх /e-tax.mta.mn/
- Буцаан олголт авах хүсэлт /цахим тайлангийн хавсралтаар байна/
Шаардлагатай тохиолдолд:
- Дагавар, үрчилж авсан хүүхэд болон асран хамгаалагчаар тогтоогдсон асрамж, дэмжлэгт байгаа хүүхэдтэй бол засаг даргын тодорхойлолт /файлаар/
- Орлого нотлох баримт
Оюутны сургалтын төлбөрийн буцаалтыг оюутан өөрөө авах боломжгүй. Мөн ах, эгч, хамаатан садан болохгүй. Зөвхөн түүний эцэг эх, албан ёсоор үрчилж авсан асран хамгаалагч буцаалтыг авна.
Оюутан хувиараа хөдөлмөр эрхлэгч байх тохиолдолд сургалтын төлбөрийн буцаалтыг өөрөө авч болно. Хэрэв өөрөө суралцах хугацаандаа татвар төлсөн бол:
- Татвар төлөгчийн иргэний үнэмлэх /ХУР системээс автомат/
- Нийгмийн даатгалын лавлагаа /ХУР системээс автомат/
- Сургуулийн тодорхойлолт /автоматаар эсвэл файлаар хавсаргах/
- Тайлант онд сургалтын төлбөр төлсөн баримт /төлбөр төлсөн цахим төлбөрийн баримтын дугаар/
- Дээрх мэдээлэл нь цахим тайлангийн системд татах үйлдэл хийснээр автоматаар татагдана.
Татвар төлөгчийн бүрдүүлэх материал:
- Цахим тайлан гаргах, илгээх /e-tax.mta.mn/
- Буцаан олголт авах хүсэлт /цахим тайлангийн хавсралтаар байна/.
Татвар төлөгч иргэн 2026.02.15-ны дотор тайлангаа гаргаж, хүсэлтээ явуулах шаардлагатай.
