Ирэх таван жилийн хөгжлийн баримт бичигт тогтвортой хөгжлийн бодлогын 8 үндсэн чиглэлээр 10 шинэтгэл хийхээр төвлөсөн ба тодорхой индексүүдэд хүрэх зорилт тавив.
Хүний хөгжлийн шинэтгэлийн хүрээнд Эрүүл мэндийн салбарт онцгой анхаарч,
• Стандартад нийцсэн эмнэлгийн үйлчилгээ;
• Хүртээмжтэй эмийн санхүүжилт;
• Урт наслалтыг дэмжих, эрүүл амьдрах хэв маягт тулгуурласан цогц реформыг ирэх таван жилд хийнэ.
Тэр дундаа, Эрүүл мэндийн даатгалын шинэчлэл, Эрт илрүүлэг үзлэг 2.0 буюу илүү оновчтой болгох, Орон нутгийн нэгдсэн тусламж үйлчилгээг сайжруулах чиглэлд цогц арга хэмжээг хэрэгжүүлнэ.
2027 оныг “Эрүүл мэндийг дэмжих жил” болгон зарласантай холбоотойгоор, ЭМДС-ийн шинэчлэл болон төсөв, бүтцийн шинэчлэл хийхээр тодорхой асуудлуудыг тусгав.
2026, 2027 онуудад эмч, ажилтны цалинг тодорхой үе шаттайгаар нэмэгдүүлнэ.
“Монгол Улсыг 2026-2030 онд хөгжүүлэх таван жилийн үндсэн чиглэл”-ийг энэ долоо хоногт УИХ-аар хэлэлцэн батлах юм.
