Зүүн Гренландын уудам, хүнгүй эрэг дээр нэг өрөөтэй хөвдөг байшин бий. Тэндээс хамгийн ойр амьдарч буй хүнтэй холбогдох цорын ганц арга нь хиймэл дагуулын утас. Энэ бол “бүхнээс тасрах” хүслийн илэрхийлэл юм. Нутгийн мөсөн уулын аяллын хөтөч, мөн энэхүү Floating Glacier Hut буюу хөвдөг мөсөн уулын байшингийн үүсгэн байгуулагч Никко Сегрето “Хэрвээ цагаан баавгай гарч ирвэл санаа зоволтгүй.
Хамгийн аюулгүй газар чинь энэ байшин дотроо байх юм” гэж хэлжээ. Цагаан баавгайн улирал биш ч Гренландад амьдарч байгаа хүн бүр энэ талаар яриа сонссон байдаг. Хэдхэн жилийн өмнө нэгэн баавгай тосгоны боомтод сэлж ирж байсан тухай түүх ч бий. Ногоон өнгийн, зургаан өнцөгт жижигхэн байшин. Энэ нь хоёр уяа, нэг зангуугаар эрэгтэй холбогдсон ч бусдаар бол мөсөн буланд чөлөөтэй хөвж байдаг.
Airbnb-г том хотуудын орон сууцны үнийн өсөлтөд нөлөөлдөг гэж шүүмжилдэг ч, энэхүү платформ нь Сегрето шиг адал явдалт сэтгэлтэй хүмүүсийн ховор, алслагдсан байр суурийг дэлхийн жуулчдад хүргэх боломжийг олгож байна. Airbnb-д өнөөдөр 8 сая гаруй байрны жагсаалт бий. Тэдгээрийн дунд Монголын нүүдэлчдийн гэр, Папуа Шинэ Гвиней дэх зочны байр, Амазон мөрний модон байшин, Канадын уулсын дунд байрлах ганц байшин хүртэл бий. Харин энэ байшин бол бүр онцгой. Финландын хийцтэй, бүрэн дулаалгатай “ауравра хиад” бөгөөд оройн тэнгэр, хойд гэрлийг шилэн таазаар харж болно. Хэрвээ эндээс хойд зүгт даган явах юм бол 200 гаруй хүн амтай Сермиллигаак тосгон хүрнэ.
Түүнээс цааш 800 км зайд л дараагийн суурин Иттоккортоормиит (345 хүн амтай) бий. Энэ нь дэлхийн хамгийн алслагдсан суурингуудын нэг. Цаашлаад цагаан баавгай, халимны соёотой эсвэл хөвж яваа мөсөн уулс л угтана. Харин өмнө зүгт чиглэвэл 7,600 км-ын дараа л Бразилын эрэгт хүрнэ. Энэ нь АНУ-ын өргөнийг хоёр дахин давсан зай юм.
BBC new
