Гэр бүл, хөдөлмөр, нийгмийн хамгааллын яам, Боловсролын ерөнхий газар, Нийслэлийн боловсролын газар, Job center Хос төв хамтран хэрэгжүүлж буй Мэргэжлийн болон техникийн боловсролын сургалтын байгууллагын суралцагчид болон оюутан залууст зориулсан “СЭТГЭЛ ЗҮЙН ЭРҮҮЛ МЭНД БОЛОН ХӨДӨЛМӨР ЭРХЛЭЛТ ХОСОЛСОН “MIND CARE” ЦОГЦ ХӨТӨЛБӨР”-ийг хэрэгжүүлж байна.
Энэ хүрээнд Дундговь аймаг дахь Политехник коллежид 2025 оны 11 дүгээр сарын 06–ны өдөр Эл эй энд си ХХК дэргэдэх “JOB CENTER ХОС ТӨВ”-ийн сэтгэл зүйч болон сургагч багш нар “Ажлын байранд өөрийн сэтгэл зүйгээ бэлтгэх нь” сэдвээр бүлгийн болон ганцаарчилсан зөвлөгөө өгч ажиллалаа.
Суралцагчдад өөрсдийн сэтгэл зүйн онцлог, хөдөлмөр эрхлэх сэтгэлзүйн бэлэн байдлыг ойлгож, амьдралын зорилго, карьерын чиглэлээ тодорхойлон, хувийн хөдөлмөр эрхлэлтийн төлөвлөгөөгөө боловсруулахад нь үе шаттайгаар зөвлөн тусалж байна.
