Харааны бэрхшээлтэй хүүхдийг боловсролын үйлчилгээнд тэгш хүртээмжтэй хамруулахад хөгжмийн сургалтад тулгамдаж буй асуудал агуулгын хүрээнд 2025 оны 11 дүгээр сарын 06-ны өдөр зохион байгууллаа. Үүнд:
Тэгш хамруулан сургах боловсролын бодлогын хэрэгжилт, анхаарах асуудал
Харааны бэрхшээлтэй хүүхдийн суралцахуйн онцлог
Харааны бэрхшээлтэй хүний хөгжмийн боловсролын өнөөгийн байдал
Харааны бэрхшээлтэй хүүхдийн хөгжмийн сургалтын асуудал сэдвийн хүрээнд илтгэл танилцуулж оролцогчид хөгжмийн боловсролыг хөгжүүлэхэд багшийн дэмжлэг ба сургалтын өнөөгийн байдал тулгамдаж буй асуудал, шийдлийг хэлэлцэн санал солилцлоо.
Тус их семинарт Боловсролын ерөнхий газрын Тэгш хамруулах боловсролын хэлтсийн дарга, мэргэжилтэн, МУБИС-ийн Багшийн сургуулийн хөгжмийн боловсролын тэнхимийн удирдлага, багш, оюутнууд, НЕБ-ын 116 дугаар сургуулийн сургалтын менежер, багш нийт 24 оролцогч оролцлоо.
Монгол Улсын Боловсролын Их сургуулийн Багшийн сургуулийн Хөгжмийн боловсролын тэнхим нь сургуулийнхаа судалгааны санхүүжилтээр харааны бэрхшээлтэй хүүхдүүд мөн их сургуулийн оюутан, ерөнхий боловсролын сургуулийн хөгжмийн багш, магистрант, докторант нарт зориулсан “Хүүхдийн дууны гарын авлага” 40 дууны нотыг брайл, кирилл хосолсон хэлбэрээр бэлтгэн хэвлэж, санаачилгатай ажиллаж буйд талархал илэрхийлье.
#тэгш_хамруулах_боловсролын_хэлтэс
