2010-аад оны дунд үе хүртэл Бээжин хот дэлхийн хамгийн их утаатай хотуудын нэг байв. 2013 онд Бээжингийн PM2.5 нарийн ширхэглэг тоосонцрын түвшин жилд дунджаар 90 микрограмм/м³ хүрч, ДЭМБ-ын зөвлөмжөөс зургаа дахин өндөр үзүүлэлттэй байжээ. Гэвч ердөө гурван жилийн дотор энэ тоо хоёр дахин буурч, 2017 онд анх удаа агаарын чанар “стандартын түвшинд” орсон нь дэлхий нийтийн анхаарлыг татсан.
Бээжин хотын удирдлага 2017 онд хэрэгжүүлсэн “Clean Heating Plan” хөтөлбөрийн хүрээнд ахуйн нүүрсний хэрэглээг үе шаттайгаар халж, түүний оронд хий, цахилгаан болон хагас коксон түлш хэрэглэж эхэлжээ. Үр дүнд нь тухайн жилдээ Хятадын хотуудад утаа хоёр дахин буурч, Бээжин агаарын бохирдлоос гурван жилийн хугацаанд салжээ. БНХАУ-д 650-750 хэмд жигнэж, хагас кокс гаргаж авдаг үйлдвэр олон байдаг. Хагас коксоо нунтаг болон ширхэглэгт гэх хоёр хэсгээр ялгана. Нунтаг хэсгээр нь иргэдийн хэрэглэх түлшийг хийдэг бол ширхэглэгт хэсгийг нь гангийн үйлдвэрт нийлүүлдэг ажээ. Хятад улс коксжуулсан нүүрсний хамгийн том үйлдвэрлэгч орон юм.
