Өдгөө 50 настай, Английн хөл бөмбөгийн шигшээ багийн ахлагч асан Дэвид Бэкхэмийн хөл бөмбөгт оруулсан хувь нэмрийг үнэлэн хаан III Чарльз Виндзор цайзад мягмар гарагт “Хүлэг баатар” /рыцарь/ цол хүртээлээ. Тэрбээр 20 гаруй жилийн өмнө хааны одон хүртсэнээс хойш 20 гаруй жилийн дараа уг цолыг хүртлээ.
Хааны гэр бүлийг насан туршдаа шүтэн биширч ирсэн Дэвид Бекхэм эхнэр Викториа Бекхэмийн зохион бүтээсэн хослолыг өмсөж цолоо хүртжээ. Түүний эхнэр загвар зохион бүтээгч, “Spice Girls” хамтлагийн гишүүн асан юм.
Тэрбээр ёслолын үеэр Чарльз хаантай халуун дулаан яриа өрнүүлэхдээ хүлэг баатар цол хүртэж байгаагаа анх мэдээд нулимс дуслуулсан талаараа ярьсан байна. “Надад ийм онцгой хүндэтгэл үзүүлсэнд миний бие маш их баяртай байна. Би Лондоны зүүн дүүрэгт эгэл жирийн гэр бүлд төрж өссөн бөгөөд мэргэжлийн хөл бөмбөгчин болохыг үргэлж мөрөөддөг байлаа, харин одоо би Виндзор цайз дотор зогсож байна” гэж тэрбээр хэлээд “үүнээс илүү сайхан зүйл гэж үгүй” хэмээжээ.
