1892 онд үүсгэн байгуулагдаж өдгөө 30 гаруй улсын хувилбараар хэвлэгдэн гардаг Vogue сэтгүүл нь загварын чиг хандлагыг тодорхойлдог дэлхийн хэмжээний томоохон сэтгүүл билээ. Тэгвэл жил болгон болдог загварын үйл ажиллагаа энэ жилд Холливудын Paramount Pictures Studios-ийн талбайд болж өнгөрлөө.
Энэхүү арга хэмжээ нь кино болон загварын ертөнцийн гүн уялдаа холбоог тэмдэглэн өнгөрүүлсэн бөгөөд дэлгэцнээ мөнхөрсөн домогт хувцас загваруудаас сэдэвлэсэн гайхалтай дүр төрхүүдийг танилцуулсан байна.
Мөн энэ үдэшлэг буяны зорилготой байсан ба тасалбарын бүх орлогыг Entertainment Community Fund (Кино, телевизийн урлагийн ажилтнуудыг дэмжих сан)-д хандивлах бөгөөд энэ сан нь энэ оны эхээр Лос Анжелесийн ойн түймрийн улмаас хохирол амссан кино, телевизийн салбарын мэргэжилтнүүдэд туслах зорилготой юм.
Киноны уран сэтгэмж шингэсэн тайзны мөчөөс эхлээд улаан хивсний онцгой төрхүүд энэ үдэш дэлхийн хамгийн нэр хүндтэй, танигдам алдартнуудыг нэг дор цуглуулсан юм.
Тухайн үдшийн эрч хүч, бүтээлч санаа болон гайхамшигт уур амьсгалыг илтгэн харуулсан зургууд
Кендалл Женнер 2001 онд гарсан “Moulin Rouge” кинонд жүжигчин Николь Кидман өмсөж байсан хувцсыг дахин өмсөн тайзнаа гарч, киноны сонгодог дүр төрхийг орчин үеийн загвартай хослуулан үзүүлжээ.
Энэхүү арга хэмжээнд жүжигчин Жэннифер Коннелли, Дакота Жонсон зэрэг нэрт уран бүтээлчид оролцож, урлаг ба загварын ертөнцийг нэг тайзнаа нэгтгэжээ.
Гвинет Пэлтроу болон Майли Сайрус нар загварын тайзны үзүүлбэрийн эхний эгнээнд сууж, үзүүлбэрийг сонирхсон байна.
