Соёл, спорт, аялал жуулчлал, залуучуудын сайд Ч.Ундрам: Анхны жил үзэгчдийн тоо албан ёсны мэдээгээр 24 мянга байсан бол дараагийн жилүүдэд 70 мянга, 169 мянга гэхчлэн нэмэгдэж ирсэн. Өнөө жил энэ тоо 180 мянгад хүрэх болов уу гэсэн тооцоо байна.
Дээр дурдсанчлан, фестивалийн 800 гаруй хөтөлбөрт арга хэмжээг үзэгчдэд хүргэхээр 21 аймаг болон нийслэлээс 1000 шахам оролцогч, нийт 15 улс орноос 284 зочин оролцогч, төлөөлөгч, наадмыг зохион байгуулах ажлын хэсгийн гишүүд, уран бүтээлчид, сайн дурын ажилтнууд зэрэг 2500 хүн гээд нийт 4000 гаруй хүн ажиллаж байна. Түүнчлэн фестивалийг зорин ирсэн үзэгчдийнхээ тав тухыг хангахын тулд ариун цэврийн байгууламжийн тоог өмнөхөөс нэмж байрлуулах, автомашины зогсоолын тоог нэмэх, аюулгүй байдлыг хангах зэрэгт анхаарахын зэрэгцээ бага насны хүүхдүүдтэйгээ зочилж буй эцэг эхчүүдэд зориулан хүүхэд харах үйлчилгээ, хүүхдүүдэд зориулсан хөтөлбөрүүдийг бэлтгэж байна.