iCore Mongolia нь Google for Education-ийн албан ёсны түнш байгууллага ба тус хамтын ажиллагаагаар Гэрэгэ эдтек нь Google-ийн боловсролын технологитой системийн түвшинд холболт хийж, багш сурагчдын цахим ур чадваруудыг дээшлүүлэхэд хамтран ажиллах юм.
Тухайлбал, Гэрэгэ эдтек ХХк-ийн 850 гаруй ЕБСургуулиудад ашиглагдаж буй “Сурах бичгийн бүртгэл хяналтын систем” ( www.e-bolovsrol.mn )-ийг ашигладаг сургуулийн багш, номын санч, нягтлан, Боловсролын газар, хэлтэсүүдийн мэргэжилтэн, сурагчид Google-ын хиймэл оюуны Gemini академийн сургалтыг авах, Google-ын боловсролд зориулсан илүү дэвшилтэт бүтээгдэхүүн болох Google Classroom, NotebookLM гэх мэт хэрэгслүүдийг ашиглах боломж бүрдэж байна.
Дашрамд дурдахад, “Сурах бичгийн цахим бүртгэл, хяналтын систем”-ийг Боловсролын яам болон Боловсролын Ерөнхий газартай хамтран орон даяар дөрөв дэх хичээлийн жилдээ амжилттай хэрэгжүүлж байна.
Энэхүү систем нь төлбөртэй сурах бичгийн төлбөрийг төрийн санд төвлөрүүлэх үүргийг гүйцэтгэдэг.
Та бүхэн ажлынхаа MOES.Edu.mn гэсэн хаягаа админаасаа аваарай
