Улирал солигдохтой зэрэгцэн хувцас загвар, гоо сайхан гэлтгүй маникюрын ертөнцөд ч өнгө аяс өөрчлөгдөж тренд бий болдог. Өнгөрсөн жилийн намар дулаан өнгө давамгайлсан, тав тух мэдрүүлсэн “cozy” будалтууд тренд байсан бол энэ жил хилэн мэт velvet эффект, 3D элемент, cat-eye гялбаа зэрэг мэдрэгдэхүйц текстур давамгайлж, минимал суурин дээр хүчтэй деталь ашигласан загварууд ноёрхож байгааг Vogue, Marie Claire, Allure зэрэг сэтгүүлүүд онцолжээ. Мэдээж хүн бүр тренд дагах албагүй ч интернэт орчинд хөвөрч буй будалтуудаас санаа авахгүй байх аргагүй шүү дээ. Тиймдээ ч энэ удаа маникюрын ертөнцөд давамгайлж буй будалтуудаас хуваалцъя.
