Эрүүл мэндийн сайд Ж.ЧИНБҮРЭН: ӨВЧИН ЗОВЛОНГООС АЙЖ ЭМЭЭЛГҮЙ, ВАКЦИНАА ХИЙЛГЭЧИХЭЭД САЙХАН НААДАЦГААЯ АА!
Нөхөн дархлаажуулалт орон даяар явагдаж байна. Харьяалал харгалзахгүй 330 сум, 9 дүүргийн 600 гаруй эрүүл мэндийн төв, 300 гаруй явуулын цэгт хандан улаанбурханы эсрэг вакциндаа хамрагдахыг эрүүл мэндийн салбарынхан та бүхэндээ уриалж, мөн та бүхэээс хүсэж байна.
Нялх бяцхан үрсэд маань хамгийн их хор хөнөөлтэй энэ өвчнөөс бид вакцины тусламжтайгаар л хохирол бага ангижирч чадна.
Илүү цагаар, амралтын өдөргүй ажиллаж буй манай салбарынхны хичээл зүтгэлийг хүндлэн нөхөн дархлаажуулалтдаа хамрагдахыг та бүхнээсээ чин сэтгэлээсээ хүсье!
Монголын үрс эрүүл энх өсөж, улам олон болог ээ!
Монгол Улсын Засгийн газар, Эрүүл мэндийн яам болон холбогдох байгууллагууд хамтран Улаанбурхан өвчний эсрэг дархлаажуулалтаас хоцорсон 0–15 насны хүүхдүүдийг нөхөн дархлаажуулах үндэсний аянг эхлүүллээ.
Харьяалал харгалзахгүй сум, өрхийн эрүүл мэндийн төвүүдэд!
Улаанбурханы вакцинд огт хамрагдаж байгаагүй болон тун дутуу 15 нас хүртэлх хүүхдүүдийг вакцинжуулахаар эрүүл мэндийн салбарынхан ажиллаж байна. Та бүхэн хүүхдийнхээ дархлаажуулалтын байдлыг эргэн санаж, хянаж, мэдэж вакциндаа хамрагдаагүй бол вакциндаа нөхөж хийлгэхийг уриалж байна!
Нийтэлсэн:Эрүүл Мэндийн Яам
