“Олон Улсын Сансрын Камп”-ийг долоодугаар сарын 3-10-ны өдрүүдэд Олон Улсын Хүүхдийн Найрамдал Цогцолборт зохион байгуулах гэж байна. Камп нь сансар судлал, STEAM боловсролыг хүүхдүүдэд олон улсын түвшинд танилцуулж, шинжлэх ухааныг сонирхолтой, бүтээлчээр суралцах боломжийг олгох ба бие даах, сорилттой нүүр тулах, шийдвэр гаргалтад чиглэсэн цогц хөтөлбөр юм. Тус арга хэмжээнд 15+ орны 500 орчим хүүхэд оролцох бөгөөд тэд соёлын болон танин мэдэхүйн олон талт үйл ажиллагаанд хамрагдана. Хөтөлбөрийн хүрээнд хүүхдийн насны онцлогт тохирсон дасгалыг боловсруулсан бөгөөд 80% туршилт, дадлагад, 20% хэлэлцүүлэг, хичээлд суурилсан хөтөлбөр байна.
Хугацаа: 2025.07.03-2025.07.10
Хэл: Камп нь монгол болон англи хэлээр явагдах ба оролцогч бүр энэхүү хоёр хэлийн аль нэгээр ойлголцох чадвартай байх хэрэгтэй.
Хөтөлбөрийн оролцогчид болон төлбөр: Хөтөлбөр нь 9-16 насны хүүхдүүдэд, тэднийг дагалдан ирэх 18-аас дээш насны багш, эцэг эх, асран хамгаалагч нарт, мөн кампийн үеэр зуслангийн үйл ажиллагааны багт ажиллах сонирхолтой бүх хүнд нээлттэй.
Хоол: Өдрийн гурван хоолтой бөгөөд Олон улсын хүүхдийн найрамдал цогцолборын мэргэжлийн тогоочид бэлтгэнэ. Хоол бүрийн хажууд тухайн хоолонд орсон бүтээгдэхүүнийг бичих тул хэрвээ та ямар нэгэн хүнснээс харшилтай бол хоолны орцоо харж хоолоо сонгох боломжтой. Мөн та тусгай хоолны дэглэм мөрддөг бол бүртгэлийн хуудсанд дэлгэрэнгүй бичиж илгээгээрэй.
