Биднийг хүүхэд байхад зуны амралт хязгааргүй, төрсөн өдөр хүртэл маш хол байгаа мэт санагдаж байсан үеийг санаж байна уу? Гэтэл нас ахих тусам цаг хугацаа харвасан сум мэт өнгөрч байгаа нь ажиглагдаж байгаа биз. Тэгвэл энэ тал дээр эрдэмтдийн өгсөн шинжлэх ухааны тайлбарыг хүргэе.
1. Яагаад нас ахих тусам цаг хугацаа хурдан өнгөрдөг вэ?
Бидний цаг хугацааг хүлээж авах байдал нь туршлага болон шинэ мэдрэмж авсан үетэй шууд холбоотой. Мичиганы их сургуулийн профессор Синди Люстиг “Тухайн үйл явц бидэнд хэр танил, хэр шинэ байгаагаас шалтгаалж цаг хугацааг хүлээж авах ойлголт өөр байдаг” гэжээ.
Хүүхдийн хувьд долоо хоног гэдэг шинэ нээлтээр баялаг байдаг бол 70 настай хүний хувьд долоо хоног гэдэг нь түүний урт амьдралын нэгээхэн энгийн хэсэг юм.
2. Тархинд өөрчлөлт хэрэгтэй!
Дьюкийн их сургуулийн механик инженерийн профессор Адриан Бежан “бидний тархи нь цаг хугацааг үйл явдлын өөрчлөлт болон шинэлэг байдлаар хүлээж авдаг” гэсэн байна.
Хүүхэд байх үед ихэнхдээ бүх зүйл анхных байдаг учир сэтгэлд маш тод үлддэг. Жишээлбэл: анхны аялал, анхны амьтны хүрээлэн, шинэ танил гэх мэт нь цаг хугацаа гэх ойлголтыг илүү удаан мэт санагдуулдаг байна. Тиймээс урт хугацааны аялал, эсвэл аз жаргалтай үйл явдлын дараа цаг хугацаа зогссон мэт санагддаг.
3. Цаг хугацааг хүлээж авахад хараа хэрхэн нөлөөлдөг вэ?
Бидний тархи хүүхэд байхад үргэлж шинэ содон зүйлийг харж, мэдэрч байдаг учир цаг хугацаа үр дүнтэй хэр нь маш удаан өнгөрдөг. Харин насанд хүрсний дараа үйл явдлууд ихэнхдээ давтагдаж байдаг учир тархи үүнийг анхных шиг хүчтэй хүлээж авдаггүй аж. Тиймээс нас ахих тусам цаг хугацаа харвасан сум мэт өнгөрдөг.
Сонирхолтой баримт: судалгаанаас харахад идэвхтэй амьдралын хэв маягтай, үргэлж шинэ содон зүйлийг мэдэрдэг хүмүүсийн хувьд цаг хугацаа 20-30 хувь ухарсан мэт санагддаг гэнэ.
4. Цаг хугацааг хэрхэн удаашруулах вэ?
Цаг хугацааг удаашруулах хэд хэдэн арга бий:
- Шинэ газруудаар аялах.
- Шинэ зүйл судалж, шинэ хоббитой болох.
- Сонирхолтой хүмүүстэй танилцаж, шинэ сэтгэл хөдлөлийг мэдрэх.
- Өдөр бүрийн зуршил, маршрутыг өөрчил.
Ашигтай зөвлөгөө: Өдөр тутам болж буй зүйлсээ бичиж авах гээд үзээрэй. Энэ нь цаг хугацаа удаан өнгөрч буй мэдрэмжийг төрүүлээд зогсохгүй, ой тогтоолтыг сайжруулж, мэдлэгийг нэмэгдүүлнэ.
5. Өдөр бүрийнхээ амьдралд шинэ зүйлийг нэвтрүүл!
Ерөнхийдөө цаг хугацааг хүлээж авах байдлыг тохируулж болно гэсэн үг. Өөрөөр хэлбэл, таны өдөр тутмын амьдрал хэдий чинээ өөр үйл явдлаар баялаг байна, төдий чинээ цаг хугацаа удаан өнгөрч байгаа мэт санагдана. Тиймээс яг одоо өөрийн өдөр тутмын амьдралд шинэ зүйлийг нэвтрүүлээрэй.
