Өмнөд Солонгос улс ээлжит бус Ерөнхийлөгчийн сонгуулиа өнөөдөр зохион байгуулж байна. Энэхүү сонгууль нь өмнөх Ерөнхийлөгч Юн Сог Ёол Үндсэн хуулийн зөрчил гаргасан үндэслэлээр огцорсны дараа зохион байгуулагдаж буйгаараа онцлогтой юм.
Хууль зүйн маргаантай, улс төрийн хурц уур амьсгал дунд өрнөж буй уг сонгуульд 44 сая гаруй сонгогч бүртгэгдсэн бөгөөд оролцогчдын гуравны нэгийг 60-аас дээш насныхан бүрдүүлж байна. Санал хураалт орон даяар өглөөний 6:00 цагаас эхэлж, оройн 20:00 цаг хүртэл үргэлжилнэ. Эцсийн үр дүнг шөнийн дотор зарлах төлөвтэй байна.