УОК-ын Нарийн бичгийн дарга, хурандаа Т.Баярхүү өнөөдөр нийслэлийн Онцгой байдлын газрын удирдлагын өргөтгөсөн шуурхай хуралдаанд оролцож, цаг үеийн нахцөл байдалтай холбогдуулан үүрэг чиглэл өглөө. Гамшиг, аюулт үзэгдэл, ослоос урьдчилан сэргийлэх арга хэмжээг үр дүнтэй зохион байгуулах, иргэд, олон нийтийн оролцоог хангах, иргэдэд чиглэсэн анхааруулах, сэрэмжлүүлэг мэдээг тогтмол хүргэх, гамшгаас хамгаалах алба, мэргэжлийн анги,төрийн болон нутгийн захиргааны байгууллагын ажилтан, алба хаагч, техник хэрэгслийн бэлэн байдлыг хангуулж, гамшгаас хамгаалах үйл ажиллагаанд сургаж дадлагажуулах, байгууллага хоорондын уялдаа, холбоог хангаж ажиллахыг анхааруулсан юм. Хуурайшилтын улирал дуусаагүй байгаатай холбогдуулан ой, хээрийн гал түймрээс урьдчилан сэргийлэх ажлыг бүх шатанд эрчимжүүлэх, үер усны аюулаас урьдчилан сэргийлж далан, шуудууг сэргээх, цэвэрлэх, шуудуу барих, эрсдэлтэй бүсэд байгаа айл өрхийг нүүлгэх зэргээр арга хэмжээг тухай бүрт хэрэгжүүлж, ажиллахыг чиглэл болголоо.
