Хүүхдийн баяр ойртож байгаа энэ үед олон эцэг эхчүүд хүүхдүүддээ юу бэлэглэх талаар бодож эхэлдэг. Харамсалтай нь, баярын эдгээр өдрүүдэд хүүхдүүдэд ихэвчлэн чихэр, шоколад, ундаа зэрэг их хэмжээний нэмэлт чихэр агуулсан бүтээгдэхүүн бэлэглэдэг нь тэдний эрүүл мэндэд сөрөг нөлөө үзүүлээд байна.
Иймээс энэхүү нийтлэлээр дамжуулан бид амттангүйгээр ч баярлуулах боломжтой эрүүл, бүтээлч бэлгийн санаануудыг санал болгож байна.
⮚ 🎨Бүтээлч сэтгэлгээг дэмжих бэлгүүд: эдгээр бэлэг нь хүүхдийн гарын ур дүй, сэтгэлгээ, тэвчээрийг хөгжүүлэхэд тустай.
● Буддаг ном, өнгийн харандаа, шингэн будаг, наадаг зураг
● Гар урлал хийх иж бүрдэл
● Эвлүүлдэг, угсардаг тоглоомууд
● Насанд тохирсон шинжлэх ухааны туршилтын иж бүрдэл
⮚ 🤸Өдөр тутмын идэвхтэй хөдөлгөөнийг дэмжих бэлгүүд: эдгээр бэлгүүд нь хүүхдийн хөдөлгөөнийг дэмжиж, эрүүл амьдралын хэв маягт чухал нөлөө үзүүлнэ.
● Дугуй, скүүтэр, ролк
● Сагс, гар бөмбөг, хөл бөмбөгийн бөмбөг, дээс
⮚ 📚Боловсрол, танин мэдэхүйд чиглэсэн бэлгүүд: эдгээр бэлгүүд нь хүүхдийн оюуны хөгжил, үгийн баялаг, төсөөлөн бодох чадварт нөлөөлөх хамгийн том хөрөнгө оруулалт юм.
● Хүүхдийн зурагт болон үлгэрийн номууд
● Сонирхол татахуйц баримтат номууд (амьтан, гараг ертөнц, танин мэдэхүйд чиглэсэн)
● Насанд тохирсон үгийн сүлжээ
⮚ 👩🍼Хамтдаа өнгөрүүлсэн мөчүүд хамгийн үнэ цэнтэй бэлэг.
● Гэр бүлийн хамтын тоглоом
● Кино, музей, тоглолтын тасалбар
● Өдөрлөгийн эрх
⮚ 🍇Эрүүл амттаны санаанууд
● Самар, үзэмтэй эрүүл амттан
● Гэрт хийсэн чихрийн орц багатай жигнэмэг
● Жимс
● Тараг
✅Эцэг эхчүүдэд өгөх зөвлөмж
● Бэлэг бэлтгэхдээ хүүхдийн нас, сонирхол, хөгжлийн онцлогийг харгалзан сонгоорой.
● Чихрийн хүнсийг “урамшуулал”, өдөр тутмын хэрэглээгээр бус, ховорхон тохиолдолд өгч хэвших нь эрүүл дадлыг суулгахад тустай.
● Бэлэг нь сэтгэлийн илэрхийлэл болохоос заавал өндөр үнэтэй, чихрээр дүүрэн байх шаардлагагүй.
Энэ жилийн хүүхдийн баяраар хайртай үрсдээ “эрүүл” бэлэг барьж, тэдний ирээдүйд хөрөнгө оруулалт хийцгээе.
Эх сурвалжууд:
● WHO: Sugars and dental caries
● NHS: Sugar – how much is too much?
● British Nutrition Foundation: Healthy packed lunches for kids
зөвлөмж бэлтгэсэн: М.Цэнд-Аюуш
