ТикТок платформд “булцгар” нэртэй филтерүүд байдаг. Гэвч уг филтерүүдийг устгаж, хориглохыг хэрэглэгчид хүсэж байна.
Олон хэрэглэгчид өөрийнхөө өмнөх болон дараах зургуудаа платформ дээр хэрхэн өөр харагдах талаар хошигнол хэлбэрээр хуваалцсан нь “биеийг гутаан доромжилж” байгаа хэлбэр бөгөөд үүнийг зөвшөөрөх ёсгүй гэж үзэж буй юм.
Одоогийн байдлаар уг хүсэлтийн дагуу ТикТок тайлбар хариу өгөөгүй байна.
Мэргэжилтнүүд мөн уг филтерүүд нь “хортой хооллолтын соёл”-ыг өдөөж, хоолны дэглэмийн эмгэгийг бий болгож болзошгүйг анхааруулж байна.
ТикТок дээр 66 мянган дагагчтай Сади бол уг филтерүүдийг хориглохыг уриалсан хүмүүсийн нэг юм.
“Охидод “Өө, би туранхай болохоор яллаа, тарган байх нь хамгийн муу зүйл биш гэж үү” гэж байгаа юм шиг санагдсан. Ганцхан надад ч биш өөр олон эмэгтэйчүүдэд муухай сэтгэгдэл төрүүлсэн тул ТикТокыг утсан дээрээсээ устгасан гэж бичиж байсан гэлээ.
“Хүнс, хоол тэжээлийн мэргэжилтэн, доктор Эмма Бекетт BBC-д хэлэхдээ, жингийн гутаан доромжлолын хандлага нь “эрсдэлт алхам”, “Энэ бол том биетэй хүмүүс залхуу, алдаа дутагдалтай байдаг гэсэн хуучин хуурамч хэвшмэл ойлголтууд бөгөөд үүнээс зайлсхийх ёстой зүйл” гэж хэлэв.
