BB Women’s Jiu Jitsu 2025 тэмцээн нь #Эмэгтэйчүүд_хүчтэй уриан доор гуравдугаар сарын 8-нд буюу Олон Улсын Эмэгтэйчүүдийн Эрхийг Хамгаалах Өдөр зохион байгуулагдах юм. Уг тэмцээнийг BB Jiu Jitsu academy- аас зохион байгуулдаг ба 6-18 насны охид болон онцгой ангилал, 30+ мастерс ангилал хооронд өрсөлдөнө.
Энэхүү тэмцээн нь 2023 онд анх 130 тамирчны бүрэлдэхүүнтэй зохион байгуулагдаж дараагийн жилдээ 200 гаруй тамирчин оролцсон байна. Тэгвэл энэ жилийн тэмцээний бүртгэл гуравдугаар сарын 6-ыг хүртэл үргэлжилсэн.
Тэмцээн нийслэлийн 73-р сургуулийн спорт зааланд болно.
Мөн зөвхөн эмэгтэйчүүд оролцдог Жюү Жицүгийн тэмцээн нь Англи, Америк, Австрали, Европ, Араб зэрэг улсуудад зохиогддог. Жишээ нь BJJ 247 байгууллагаас Empower: Women’s BJJ Open гэх тэмцээн Их Британи болон Европын улсуудад төрөл бүрийн бүсний түвшин, насны ангилалд нээлттэй зохион байгуулагддаг байна.
Э.Очирдулам
