Японы хамгийн алдартай бүтээлүүдийн нэг болох Hello Kitty 50 насныхаа ойг тэмдэглэж байна.
Уг дүрийн ард байдаг Японы Санрио компанид бүх зүйл үргэлж сайн байгаагүй. Hello Kitty нь Pokémon-ийн дараа дэлхийн хамгийн их ашиг орлого олсон хоёр дахь хэвлэл мэдээллийн франчайзын жагсаалтад бичигдэж, Микки Маус, Оддын дайн гэх мэт кинонуудыг тэргүүлж байсан. 1999 болон 2014 онд Санриогийн борлуулалт хамгийн дээд амжилтуудад хүрч байжээ. Гэсэн ч SMBC Nikko хөрөнгө оруулалтын компанийн гүйцэтгэх захирал Ясуки Ёшиокагийн үед бүтээгдэхүүний эрэлтийн өсөлт тогтвортой байсангүй.
Дараа нь 2020 онд Томокуни Цүжи Санриогийн гүйцэтгэх албаны үүргийг өвлөн авсан.
Тэрбээр тус фирмийг үүсгэн байгуулагч Шинтаро Цүжигийн ач хүү бөгөөд тухайн үед дөнгөж 31 настай байсан нь Японы хөрөнгийн биржид бүртгэлтэй компанийн хамгийн залуу гүйцэтгэх захирал болсон юм.
Залуу ноён Цүжигийн удирдлаган дор Санрио болон бусад дүрүүдийн маркетингийн стратегиа өөрчилсөн. Хэрхэн Hello Kitty-г худалдан авагчдын анхааралд дахин тусгасан бэ гэвэл бусад дүрүүдийг хамт хөгжүүлэх бодлого байжээ. Гэсэн ч одоо Санриогийн хамгийн борлуулалттай дүр Hello Kitty биш ч нийт борлуулалтын хувиа өсгөсөөр байгаа юм. Харин эгдүүтэй дүрийн оронд Санриогийн үйлчлүүлэгчдийн санал асуулгаар Cinnamoroll тэдний ёонголт болжээ. Тэр бол ягаан хацартай, урт чихтэй, Cinnamon ороомог шиг сүүлтэй цэнхэр нүдтэй цагаан гөлөг.
Санрио зөвхөн хөөрхөн дүрүүдийг бүтээхээ больсон. Хэрэв Hello Kitty Японы өхөөрдөм элч юм бол ууртай улаан хулсны баавгай түрэмгий Рецуко буюу Аггрецуко жирийн ажилчин эмэгтэйн бухимдлыг дамжуулдаг.
Өөр нэг дүр бол Гудетама буюу “залхуу өндөг” бөгөөд тэрээр сэтгэлийн хямралд орж, амьдралын хар бараан бодит байдлыг тусгадаг хүйтэн нэг мөрийг гаргаж ирдэг.
Санрио дүрээ төрөлжүүлэхийн зэрэгцээ гадаад дахь маркетингаа хөгжүүлж, одоо хуурамч үйлдвэрлэгчидтэй хатуу тэмцэж байна.
“Бид одоо хиймэл оюун ухааныг ашиглан хуурамч бүтээгдэхүүнийг илрүүлж, устгах хүсэлт гаргаж байна. Маркетингийн стратегийн хувьд Starbucks, Crocs, LA Dodgers бейсболын баг зэрэг томоохон брэндүүдтэй хамтран ажиллах нь чухал. Өөрийн сурталчилгаанаас гадна дэлхийн брэндүүдтэй хамтран ажилласнаар бид олон завсарлагагүйгээр жилийн турш дүрүүдээ зах зээлд гаргахыг хичээж байна” гэж ноён Цүжи онцолж байгаа юм.
Ахмад настны хувьд маш их ач холбогдол өгдөг нийгэмд ноён Цүжигийн овог Санриод томоохон өөрчлөлт хийж олон 50 жилийн дэлхийн үйлдвэрлэлийн онцгой компани байсаар…
Японд бүртгэлтэй компаниудын бараг дөрөвний нэгийг, тухайлбал автомашин үйлдвэрлэгч Toyota, Suzuki, камерын Canon компанийг үүсгэн байгуулсан гэр бүлийн гишүүд удирддаг.
Шалтгаан нь соёлтой холбоотой. Дэлхийн хамгийн эртний тасралтгүй хаант засаглалтай Японд "гэр бүл, гэр бүлийн бизнесийг хүлээн зөвшөөрдөг. Самурайн үеийн эзэн, үйлчлэгчийн харилцаа үүсгэн байгуулагч гэр бүл болон тэдний ажилчдын хоорондын харилцаанд шилжсэн бөгөөд түүхэнд жирийн хүмүүс хэзээ ч дээд албан тушаалын төлөө тэмцэж байгаагүй. Энэ нь бас Японд мэргэжлийн удирдах ажилтнуудын нөөц багатай байдагтай холбоотой. Пүүсүүд дараагийн даргаа, түүний дотор үүсгэн байгуулагч гэр бүлийн гишүүдээ дотооддоо хайх хандлагатай байдаг" гэж Нагоягийн Худалдаа бизнесийн их сургуулийн профессор Хокуто Дазай онцолжээ.
Залуу Цүжи гүйцэтгэх захирал болсноос хойш хоёр жилийн дотор Санрио дахин ашигтай ажилласан бөгөөд үүнийг шинжээч ноён Ёшиока “Сайхан сэргэлт” гэж нэрлэжээ.
Түүний хувьцааны үнэ 2020 оноос хойш арав дахин өссөн бөгөөд компанийн хөрөнгийн зах зээлийн үнэлгээ нь өдгөө нэг их наяд иен (6.5 тэрбум доллар; 5 тэрбум фунт) давсан байна.
Hello Kitty нь залуу Цүжиг төрөхөөс 14 жилийн өмнө бүтээгдсэн. Түүнийг бүтээснээс хойш хагас зуун жил өнгөрч байгаа ч хайртай дүрийн гарал үүслийн түүх олон жилийн турш нууцлаг хэвээр байх болно гэж Санриогийн гэр бүл хэлдэг.
