Манай улсад өдөр бүр 1 эмэгтэй умайн хүзүүний хорт хавдраар шинээр оношлогдож, 2 хоног тутамд 1 эмэгтэй тус өвчний шалтгаанаар нас барж байна. ХСҮТ-ийн эмэгтэйчүүдийн мэс заслын тасагт 2024 онд 700 гаруй эмэгтэй умайн хүзүүг тайрах, умайг авах мэс засалд орсон. Энэхүү эмгэг, эрсдлээс сэргийлэх, эрт илрүүлэх арга хэмжээ нь эмэгтэйчүүд 30-60 насны хооронд гурван жилийн давтамжтай УХХХ-ын эсийн шинжилгээг харьяа өрхийн эмнэлэгтээ өгөх энгийн алхам юм.
Умайн хүзүүний хорт хавдрын үндсэн шалтгаан нь Хүний Папиллома Вирусийн (ХПВ) халдварт өртөх юм.
- Бэлгийн хавьтлын тохиолдол бүр нь ХПВ-ийн халдварт өртөх боломжийг бүрдүүлдэг.
- ХПВ-ийн 200 гаруй төрөл байдгаас зарим төрөл нь умайн хүзүүний хорт хавдар үүсгэдэг өндөр эрсдэлтэй.
- ХПВ-ийн шалтгаантай хорт хавдраас сэргийлэх үндсэн арга нь түүний эсрэг дархлаажуулалт хийлгэх юм.
