Халдварт өвчнөөс сэргийлэх, түүний тархалтыг хязгаарлах, өвчнийг устгах зорилгоор дархлаажуулах бэлдмэл хэрэглэх арга хэмжээний тогтолцоог халдварт өвчний эсрэг дархлаажуулалт гэдэг. Тэгвэл хүүхдэд вакцин хийлгэхийн өмнө анхаарах зүйлсээс хуваалцъя,
1. ️Хүүхдээ усанд оруулж, дулаан хувцасласан байх
2. Хүүхдийнхээ дархлаажуулатын дэвтэр болон эрүүл мэндийн даатгалын гэрчилгээг авч очих
3. Вакциныг хийлгэхдээ товлолын дагуу тогтоогдсон хугацаанд нь очих
4. Эмчид хүүхдээ заавал үзүүлж,ямар вакцины хэд дэх тунг тариулах болсон тухай заалтыг эмчээр эх хүүхдийн эрүүл мэндийн дэвтэрт нь тэмдэглүүлэх
5. Вакцин тариулахын өмнө халуун бууруулах, өвчин намдаах лаа, эм хэрэглэхгүй байх
Вакцин хийлгэх үед та юу анхаарах вэ?
1.Хүүхдэд ямар вакцин хэд дэх тунг хийлгэх гэж байгаа мэдээллийг сувилагчаас авах вакцин тарих үед хүүхдийг хөдөлгөөнгүй барих
2. Шаардлагатай гэж үзвэл вакцин, тариурын дуусах хугацааг харж болно.
Вакцин хийлгэсний дараа та юуг анхаарах вэ?
1. Хүүхдээ вакцин хийлгэсэн тухай сэргийлэх тарилгын карт, эх хүүхдийн эрүүл мэндийн дэвтэрт тэмдэглүүлж уг авах.
2. Вакцин тариулсны дараа эмчийн хажууд 30 минут байлгаж хүүхдээ ажиглаарай.
3. Дараагийн вакцинаа хэзээ ирэх хугацаагаа мэдэж гарах
Дархлаажуулалтын дараах хариу урвал
Вакцин тариулсны дараа хүүхэд уйлагнах, зовиурлах, уур уцаартай болох, тарьсан хэсэгт улайх, хавдах, хөндүүрлэх
Халуурах дээрх шинж тэмдэгүүд 2-3 хоногт арилах ёстой. Шинж тэмдэг нэмэгдвэл өрх болон харьяа сумын эмчдээ хандаарай.
