Өнгөрсөн сард Өмнөд Солонгост осолдож, 170 гаруй хүний амийг авч одсон зорчигч тээврийн онгоцны нислэгийн бичлэгүүд онгоц сүйрэхээс хэдхэн минутын өмнө ажиллахаа больж, хөөрөх зурвас дээр дэлбэрсэн тухай мөрдөн байцаагчид мэдэгдлээ.
Бангкокоос ирсэн Чежү Эйр компанийн 7С 2216 дугаартай онгоц 12 дугаар сарын 29-нд Муан олон улсын нисэх онгоцны буудалд дэлбэрсэн. Өнгөрсөн гучин жилд болоогүй уг хачирхалтай бөгөөд аймшигтай сүйрлийн цаад шалтгааныг хар хайрцаг дахь мэдээлэл л тодруулна гэж албаныхан найдаж байсан билээ.
Гамшгийн улмаас 179 зорчигч болон багийн гишүүд амь үрэгджээ. Ердөө хоёр хүн л амьд үлдсэн.
Гэвч Өмнөд Солонгосын Тээврийн яамнаас өнгөрсөн бямба гарагт мэдээлснээр, Боинг 737-800 онгоцны бүхээгийн дуу хураагч болон нислэгийн мэдээлэл бичигч хоёул осол болохоос дөрвөн минутын өмнө ажиллахаа больсон байна.
Тус яамны мэдэгдэлд эдгээр төхөөрөмжүүд яагаад бичлэг хийхээ больчихсон нь тодорхойгүй байгаа бөгөөд шалтгааныг тогтоохоор ажиллана гэж мэдэгдэв.
Эх сурвалж: https://edition.cnn.com/2025/01/09/politics/tiktok-supreme-court-what-to-watch/index.html
