УИХ-ын гишүүн Х.Тэмүүжин чуулганы хуралдааны үеэр “Өдөр бүр Засгийн газрын гишүүд парламентад худлаа хэлдэг болсон байна. Яаман дээрээ эсвэл гадуур худлаа хэлдгийг чинь хүмүүс өнгөрөөдөг байж болно. Харин хууль тогтоох байгууллага дээр, тангараг өргөж орж ирчихээд худлаа хэлдэг байж болохгүй!
Парламентийн засаглал бүхий оронд “парламентийг үл хүндэтгэх” гэдэг гэмт хэрэг байгаа. Парламент дуудахад төрийн албан хаагч ирэхгүй бол үүнийг гэмт хэрэг гэж үздэг. Тангараг өргөж үг хэлдэг.
Парламентын чуулганд ирж худлаа хэлдэг байдлыг зогсоож, хариуцлага тооцдог болгох хэрэгтэй. Монгол Улс худлаа ярьдаг, хууран мэхэлдэг байдлыг парламент дотроо хүлээн зөвшөөрөөд байж болохгүй” гэв.
