Хууль зүйн байнгын хорооны хуралдаанаар Үндсэн хуулийн цэцийн дөрөвдүгээр дүгнэлтийг хэлэлцлээ. Энэ үеэр УИХ-ын гишүүн Х.Тэмүүжин “Манай төр ажлаа хөнгөвчилөх зорилготойгоор өөрийнхөө ажлыг хууль руу чихэж иргэдэд ял шийтгэл, үүрэг болгож үүрүүлдэг хандлагатай болоод хувирчихсан. Яаж иргэдийг дарамтлах уу, яаж үүрэгжүүлэх үү гэдэг арга барил нь энэ.
Энэ үгэн дотор харагдаж байгаа биздээ. Төр таалагдахгүй аж ахуйн нэгж, өөрсдийн үгээр байхгүй байгаа бизнес эрхлэгчдээ цэвэрлэдэг болоод хувирчихсан.
Яагаад Зөрчлийн хуулийг иргэд маш хүчтэйгээр ад үзэж байна вэ гэхээр Зөрчлийн хуулиар дамжуулж төрийн байгууллагууд ажлаа хөнгөвчилдөг болчихсон. Эзэн нь мэдээгүй байхад өмчийг нь үгүй хийчихэж байна. Энэ дотор нь ТББ байна, Холбоо сангууд байна, Компани байна.
Төр өөрөө ил тод байдлаа хангаж чадахгүй байгаа мөртлөө иргэнээс хамаагүй илүү мэдээлэл шаардаж байна. Өөрийнх нь бизнестэй холбоотой нууцыг хүртэл ил байх ёстой гэдэг шаардлагыг тавих хэмжээний хүчирхэг болоод хувирчихсан байгаагийн тод илрэл харагдаж байна.
Тэгээд болоогүй хувийн мэдээллийг нь бидэнд таалагдахгүй бол төдий хэмжээгээр задалж чадна гэдгээ энэ хууль тогтоомжийн цаана концепц байдлаар биччихээд байгаа юм. Энийг таслан зогсоох шаардлагатай гэдгийг ҮХЦ шийдвэртээ тусгасан байна.
Зөрчлийн хууль дээр бичигдсэн маш олон заалтууд, иргэд рүү үүрэг хариуцлага болж очсон заалтууд Хууль зүйн яам, Хууль зүйн байнгын хорооны хяналтаас гадуур явж байсан. Тэрний үр дагаврууд дахин дахин гарч ирээд байгаа нь энэ. Хэзээ ямар байгууллага ямар хуулинд хавчуулаад оруулаад ирсэн нь мэдэгдэхгүй, иргэнд дарамж болж байгаа ийм зүйл, зохицуулалтуудыг Ажлыг хэсэг байгуулж эсвэл Засгийн газарт үүрэг болгож засах хэрэгтэй” гэв.
