УИХ-ын гишүүн Г.Очирбат, УИХ-ын гишүүн, МУ-ын сайд, Боомтын сэргэлтийн үндэсний хорооны дарга Б.Тулга болон холбогдох байгууллагын төлөөллүүд Өмнөговь аймгийн Гашуунсухайтын боомт дээр ажиллажээ.
УИХ-ын гишүүн Г.Очирбат: Аж үйлдвэржилтийн байнгын хорооны гишүүний хувьд төрийн байгууллагуудын төлөөлөлтэй уулзаж УИХ-иар хэлэлцэгдэж буй хууль тогтоомж, үйл ажиллагаанууд, төрийн болон Засгийн газрын бодлого шийдвэрийн талаар санал солилцон мэдээлэл өглөө. Боомт дээр 500 гаруй төрийн албан хаагчид ажилладаг бол Цагаан хад суурьшлын бүсэд 12 мянга орчим хүн түр оршин сууж байна.
Гашуунсухайт боомтоор өдөрт дунджаар 1300 орчим тээврийн машин нэвтэрч, сардаа дунджаар 1 сая.тонн нүүрс тээвэрлэгдэж байна. 2024 онд буюу өнөөдрийг хүртэл 35,8сая.тонн нүүрс экспорт; 914,7мян.тонн зэсийн баяжмалыг экспортоор гаргасан. Мөн тус боомтоор 2024 онд буюу өнөөдрийн байдлаар орох, гарах чиглэлд 536,281 зорчигч, 462,811 тээврийн хэрэгсэл зорчжээ.
Тус боомт дээр ажиллаж буй төрийн албан хаагчдын нийгмийн амьдралд нэн шаардлагатай байгаа орон сууцны ажил үргэлжлэн явагдаж байгаа бөгөөд түр оршин суугчдын нийгмийн амьдралын тал дээр анхаарал хандуулан ажиллаж байна.
"Монгол Улсын гадаад худалдааны суурь Боомтын сэргэлтийн бодлогыг хувь гишүүний хувьд дэмжиж ажиллана"
