Рэппер дуучин Жесси бие хамгаалагч нь нэгэн шүтэн бишрэгчид нь халдаж байхад хайхрамжгүй хандсан хэмээн буруутгагдаж, хохирогч болон түүний ар гэрийнхнээс уучлалт гуйжээ.
“Би энэ хэргийн улмаас хохирсон хохирогч болон түүний ар гэрийнхнээс уучлалт гуйж байна” гэж инстаграм хуудсандаа лхагва гарагт солонгос, англи хэлээр бичжээ.
“Хэдийгээр энэ хэрэг надаас болоогүй ч би хэрэг гарсан цагаас хойш өнөөдрийг хүртэл өөрийн буруу үйлдэл, хандлагын улмаас хариу үйлдэл үзүүлэхгүй байсаар олон хүнийг, тэр дундаа хохирогчийг хохироосоор байжээ гэжээ.
Уг үйл явдал Сөүлийн өмнөд хэсэгт есдүгээр сарын 29-ний шөнө болсон бөгөөд 18 настай шүтэн бишрэгч нь Жесситэй зураг авахуулахыг хүссэний улмаас дуучиныг дагалдаж явсан бие хамгаалагч биед нь халдаж нүүр рүү нь цохиж хүчирхийлэл үйлджээ.
Мөн өнгөрсөн долоо хоногт хэвлэл мэдээллийн хэрэгслээр энэ үйл явдал гарсны дараа Жесси уучлалт гуйсан боловч шүүмжлэл үргэлжилсээр байна. Баасан гарагт тэрээр өөрийн хүсэлтээр агентлагтайгаа байгуулсан онцгой гэрээгээ цуцалжээ.
“Би мянга, арван мянган удаа харамсаж байна. Тэр үе рүүгээ буцаж очдог ч болоосой. Хохирогчтой зургаа авахуулсан бол, хохирогчийг хамгаалахын тулд илүү идэвхтэй байсан бол, цагдаагийн газар очсон бол хэрэв би тэр дороо уучлалт гуйсан бол хохирогч ингэж зовохгүй байх байсан” гэж тэр бичжээ.
Дараа нь тэрээр “Намайг ганцхан үгээр уучилж чадахгүй гэдгээ мэдэж байна. Гэсэн хэдий ч би алдаагаа засаж, хохирогчийг эдгээхэд нь туслахыг хичээх болно. Хэтэрхий оройтсон ч дахин уучлалт гуйж байна. Би буруу зүйл хийсэн” гэж нэмж хэлэв.
