TWICE хамтлагийн Tzuyu “abouTZU” нэртэй анхны соло цомгоо гаргалаа

К-Попын алдарт TWICE охидын хамтлагийн Тайван улсын гишүүн Tzuyu өөрийн анхны соло “abouTZU” цомгоо гаргаж бие даасан карьераа эхлүүллээ. Охидын хамтлагийн хамгийн залуу гишүүн, эелдэг дур булаам гэдгээрээ алдартай тэрбээр одоо өөрийнхөө давуу мэдрэмжтэй талаараа уран бүтээлээ хүргэхийг зорьж байгаагаа илэрхийлж байгаа юм.

Мөн тэрбээр хэвлэлийн бага хурлын үеэр “Би өмнөх дүр төрхөөсөө салахыг хүсэж байна. Хүмүүс намайг TWICE-ийн хамгийн залуу гишүүн болохоор зүгээр л өхөөрдөм гэж харж байсныг мэднэ. Гэхдээ энэ бие даасан цомгоороо би хүн бүрийн танил болсон гэрэл гэгээтэй, эелдэг дүр төрхөөс гадна өөрийнхөө илүү боловсорсон, эрч хүчтэй талыг харуулах болно” гэж хэлжээ.