Улаан бурхны халдварын тухай болон урьдчилан сэргийлэх зөвлөмжийг "Цахиур Төмөр" эм зүйн байгууллагаас мэдээлснийг хүргэе.
Улаан бурхан нь хүүхдийн эрүүл мэндэд ноцтой аюул учруулдаг вируст халдварын нэг. Улаан бурхан нь ихэвчлэн бага насны хүүхэд, дархлаажуулалт хийлгээгүй болон дархлаа нь сул хүмүүсийн дунд маш хурдан тархдаг халдвар. Халдварлахдаа агаар дуслын замаар халдварладаг тул хичээл эхэлж, олноороо цуглаж байгаа үе нь хамгийн аюултайд тооцогддог.
Улаан бурхны шинж тэмдэг нь халдвар авснаас 4-11 дэх хоногт илэрнэ. Үүнд:
- Халуурах
- Нүдний салст үрэвсэх
- Хамраас нус гоожих
- Ханиалгах
- Амны салстад улаан хүрээтэй цагаан толбо үүсэх
- Толбот гүвдрүүт тууралт нүүрнээс эхлэн бүх биеэр дээрээс доош 7-18 дах хоногоос туурна
- Хүүхэд сульдаж ядрах
- Гэрэлд нүд гялбах шинж илэрнэ. Хэрэв бага насны хүүхдэд эдгээр шинж илэрвэл яаралтай эмчид хандаарай.
Мөн дархлааны эрхтэн системийн нэг болох Дэлүүг ихээхэн гэмтээдэг.
Улаан бурхан хүүхдэд хүндэрсэн тохиолдолд :
- Уушгины хатгалгаа,
- Тархины эдийн үрэвсэл
- Дунд чихний үрэвсэл
- Ларингит зэрэг ноцтой хүндрэл үүсгэж болзошгүй
Иймд улаан бурхнаас урьдчилан сэргийлэх нь хамгийн зөв аргад тооцогдож байна.
Яагаад хичээл эхлэхэд дархлаа дэмжих хэрэгтэй вэ?
Сургуулийн орчинд хүүхдүүд олон төрлийн нян, вируст өртдөг. Олон хүүхэд ойрхон байх нь ханиад, томуу зэрэг өвчин авах магадлалыг ихэсгэдэг. Хүчтэй дархлааны систем нь эдгээр халдваруудаас хамгаалах хамгаалалтын механизм болдог тул та хүүхдийнхээ дархлааг сайжруулснаар тэдний өвчлөх магадлалыг бууруулаад зогсохгүй өвчилсөн тохиолдолд хурдан эдгэрэхэд нь тусална.
Хэрхэн дархлааг сайжруулах вэ?
Улаан бурхан нь амархан халдварладаг учир хүүхдүүдээ хамгаалахын тулд дархлааг нь дэмжих шаардлагатай байдаг. Чанартай нойр, шим тэжээлтэй хоол хүнс, дасгал хөдөлгөөн, тогтмол гарын ариун цэврийг сахих шаардлагатай.
