Солонгос-Монголын хамтарсан хамгийн анхны бөгөөд албан ёсны энтертэйнмент Evandis компаниий зохион байгуулж буй энэ “SUPER CONCERT” энэ сарын 15-ны өдөр HIT PARK-д болно.
Сүүлийн жилүүдэд манай улсыг зорин ирэх Өмнөд Солонгосын уран бүтээлчдийн тоо нэмэгдэж, хоёр орны аялал жуулчлалын салбар улам бүр өргөжсөөр байна. Тухайлбал, өнгөрсөн оны зургаадугаар сард “Couriers in Mongolia” нэвтрүүлгийн хүрээнд “Сэргэлэн охин Ян Сун” киногоор бидний эчнээ танил жүжигчин Жан Хёг тэргүүтэй уран бүтээлчид ирж, Монгол орны үзэсгэлэнт байгалийг есөн ангит нэвтрүүлгээр харуулсан.
Мөн Солонгос-Монголын хамтарсан хамгийн анхны бөгөөд албан ёсны энтертэйнмент Evandis компанийн урилгаар энэ оны хоёрдугаар сард Гэгээн хайрын баярыг тохиолдуулан Ким Хён Жүн, Bloo нар ирж, монгол шүтэн бишрэгчидтэйгээ уулзсан билээ. Тэгвэл энэ удаа дуучин, жүжигчин Жон Жи Хүн буюу Rain, 2ne1 хамтлагийн гишүүн Сандара Пак буюу Дара, Bloo нар есдүгээр сарын 15-ны өдөр Hit Park-д зохион байгуулагдах “Super Concert” тоглолтод уран бүтээлээ толилуулахаар хүрэлцэн ирэх гэж байна.
