Богдхан уул руу энэ сарын 30-ны өдрөөс эхлэн 16 хоног аялахыг хориглож буйг Богдхан уулын дархан цаазат газрын Хамгаалалтын захиргаанаас мэдээллээ.
Тодруулбал, Богдхан уулын дархан цаазат газрын ойн санд мэргэжлийн байгууллагуудын хийсэн ойн хортон хөнөөлтийн судалгааг үндэслэн 2024 оны наймдугаар сарын 30-ны өдрөөс эхлэн хоёр хоногийн хугацаад Хортон шавьж устгалын бактерын бэлдмэл цацах ажлыг хийж гүйцэтгэхээр төлөвлөжээ. Иймд Богдхан уулын орчны бүсэд амьдарч буй иргэд оршин суугчид, аялалын жимээр аялаж зугаалдаг алхагчид та бүхнийг 2024 оны наймдугаар сарын 30- есдүгээр сарын 16-ны өдрүүдэд ууланд аялаж алхахгүй байх, Богд уулаас түүгдсэн самар, жимс идэхгүй, авахгүй байхыг мэргэжлийн байгууллагуудаас анхааруулж байна.
Мөн хортон шавьж устгалын хорны нөлөөлөх, нөлөө дарагдах хугацаа 30 хоног гэдгийг анхааруулж байна.
