Дэлхий даяар олон зуун охидыг камерын өмнө бэлгийн мөлжлөг хийлгэхээр шантаажилж байсан өсвөр насны юутүбэрчний дүрд хувирсан 29 настай эр Австралид 17 жил шоронд хоригдох ял сонсоод байна.
Мухаммед Зайн Ул Абидин Рашид гэх 29 настай эр Их Британи, АНУ, Япон, Франц зэрэг 20 орны 286 хүнд холбогдох 119 хэрэгт буруугаа хүлээсэн байна. Түүний хохирогчдын гуравны хоёр нь 16-аас доош насныхан байж.
Перт хотын шүүх 29 настай залуу хохирогчдийнхоо мессеж, нүцгэн зургийг нь гэр бүлд нь илгээнэ гэж сүрдүүлэн хүчирхийлэлд автуулдаг байжээ.
Австралийн эрх баригчид энэ нь түүхэн дэх “хамгийн муу бэлгийн мөлжлөгийн хэрэг” гэж мэдэгджээ.
“Энэ хүн дэлхийн өнцөг булан бүрт байгаа хохирогчдоо үл тоомсорлож, тэдний зовлон зүдгүүр, доромжлол, айдас нь Австралид шүүгдэж буй бэлгийн хүчирхийллийн хамгийн аймшигтай хэргүүдийн нэг болж байна” гэж Австралийн Холбооны цагдаагийн туслах комиссар Дэвид Маклин хэлэв.
“Энэ төрлийн онлайн мөлжлөг, хүчирхийлэл нь маш их хор хөнөөлтэй бөгөөд хохирогчийнхоо сэтгэлзүйд насан туршийн гэмтэл учруулдаг.”
Хэрэгтэн залуу нь 15 настай Америкийн интернетийн од мэт дүр эсгэж, зорилтот хүмүүстэйгээ харилцан яриа өрнүүлж, тэдэнтэй дотносож улмаар бэлгийн ажил гэх мэт харилцан яриа өрнүүлж тэднийг олзлон бэлгийн мөлжлөгийн золиос болгодог байжээ.
Интерпол болон АНУ-ын мөрдөн байцаагчид Австралийн эрх баригчидтай холбогдож, 2020 онд цагдаа нар гэрт нь нэгжлэг хийсний дараа түүнийг баривчилжээ. Шүүх түүнийг бэлгийн гэмт хэрэгтнүүдийг эмчлэх хөтөлбөрт хамрагдсан гэсэн ч Рашид дахин гэмт хэрэг үйлдэх өндөр эрсдэлтэй хэвээр байна. Тэрээр 2033 оны наймдугаар сард хугацаанаас нь өмнө суллах хүсэлт гаргах эрхтэй болно.
Эх сурвалж: BBC
