Дэлхийн хамгийн өндөр настай хүн болох АНУ-д төрсөн Мария Браняс Морера 117 насандаа таалал төгссөнийг гэр бүлийнхэн нь олон нийтийн сүлжээгээр мэдэгдлээ.
Гиннесийн дээд амжилтын ном (GWR) мөн түүнийг 117 нас 168 хоногтойдоо нас барсныг баталгаажуулсан мэдэгдэл гаргаж, түүхэн дэх хамгийн өндөр настай найм дахь хүн болж байна.
“Мариа сүүлийн хорин жилийн турш амьдарч байсан Испанийн Каталони дахь асрамжийн газарт амар тайван нас барсан” гэж GWR-ийн мэдэгдэлд бичсэн бөгөөд өнгөрсөн даваа гарагт нас баржээ.
Мягмар гарагт Морерагийн гэр бүл түүний X дансанд түүнийг нас барсныг зарласан бичлэг нийтэлжээ.
“Тэр хүссэнээрээ явлаа: нойрондоо, амар амгалан, өвдөлтгүй” гэж нийтлэлд бичжээ.
Морера нас барахынхаа өмнөхөн тэдэнд хэлэхдээ: “Би хэзээ гэдгийг мэдэхгүй, гэхдээ тун удахгүй энэ урт аялал дуусна. Үхэл намайг маш их амьдарсандаа ядарч туйлдсан байхыг олох болно, гэхдээ би инээмсэглэж, эрх чөлөөтэй, сэтгэл хангалуун байхыг хүсч байна.” гэжээ.
