Рэппер Трэвис Скотт пүрэв гарагийн өглөө Флорида мужийн Миами далайн эргээс уягдсан дарвуулт завинд үймээн дэгдээн баривчлагджээ. Дараа нь түүнийг хоёр зүйлийн ял авахаас нь урьтаж 650 ам.долларын барьцаагаар сулласан гэж орон нутгийн цагдаагийн алба мэдээлэв.
Нэгэн иргэн шөнийн нэг цаг 44 минутад цагдаатай холбогдож “бүлэг хүмүүс завин дээр зодолдож байна” гэсэн мэдээлэл өгсний дараа жинхэнэ нэр нь Жак Бермон Вебстер II түүнийг баривчилсан гэж гэмт хэргийн тайланд дурджээ.
Цагдаа нарыг хэргийн газар очиход реппер Скотт хөлөг онгоцны зорчигчид руу хашгирч байсан бөгөөд “түүний амнаас архины хурц үнэр сэртхийж байсан” гэв. Түүнийг баривчлан эрэг рүү дагуулахад тэр явах замдаа садар самуун үг ашиглан чангаар хашгирч байсан юм. Түүнийг цагдаагийн машинд суулгасан ч тэр буцан дарвуулт завь руу явахаар завдаж байжээ. Энэ бүхний дараа түүнийг цагдан хорьсон.
Мэдээллийн дагуу Скотт дараа нь архи ууснаа хүлээн зөвшөөрч “Энэ чинь л Миами шүү дээ” гэжээ. Пүрэв гарагт түүний нарны шил, чихэвч зүүсэн байдалтай цагдан хориход авахуулсан зураг олон нийтийн сүлжээнд тавигдсан. Репперийн хэвлэлийн төлөөлөгч тайлбар өгөх хүсэлтэд шууд хариу өгөөгүй байна.
Скотт нь өнөөгийн реп урлагийг байлдан дагуулаад буй хамгийн алдартай уран бүтээлчдийн тоонд дээгүүр жагсдаг бөгөөд тэрбээр жагсаалтыг тэргүүлж байсан гурван хөгмжийн цомогтой. Түүний тоглолт үргэлж өндөр хүлээлт, эрч хүчээр дүүрэн байдаг бөгөөд 2021 оны сүүлээр 10 шүтэн бишрэгч тоглолтын талбай дээр хэт шахцалдааны улмаас нас барж байсан харамсалтай мэдээ ч бий.
Өнгөрсөн жил энэ үйл явдалтай холбоотой Скотт болон хөгжмийн фестивал дээр хамтарч ажилласан компаниудыг оролцуулсан том шүүх хурал болох байсан боловч цуцлагдсан. Гэвч тоглолтыг шууд дамжуулсан Apple компани болон фестивалын ивээн тэтгэгч Live Nation зэрэг компаниудад хохирогчдын ар гэрээс шүүхийн нэхэмжлэл ирүүлсэн. Тэдгээр 10 нэхэмжлэлээс, нэгээс бусад нь бүгд шийдвэрлэгджээ.
Эх сурвалж – https://www.nytimes.com/2024/06/20/arts/music/travis-scott-arrested.html
Бэлтгэсэн дадлагажигч оюутан Э.Номин
