Медуз буюу хөндий биет далайн залхаг нь хорт хатгадаг тэмтрүүлүүдтэй. Түүгээрээ өөрийгөө хамгаалахаас гадна идэш болох амьтнаа алах хэрэгсэл болгон ашигладаг. Тус бүрдээ мянга мянган хатгагч эсээс бүрдсэн 15 хүртэлх тэмтрүүлтэй. Тэдний нэг тэмтрүүлнээс гарах хор нь 50 хүнийг ч алах хүчтэй.
Тэмтрүүл бүрд эгнэн байрласан хэдэн мянган эс нь хатгах зориулалт бүхий хурц үзүүрээр тоноглогдсон утастай. Энэ нь хясааг ч цоолох чадвартай юм.
Тэд Австрали, Вьетнам, Филиппин зэрэг халуун орнуудын тэнгисийн усанд элбэг тохиолдоно. 1884 оноос хойш хамгийн багадаа 5500 гаруй хүн энэ амьтнаас хордож үхсэн гэсэн баримт байдаг. Номхон далайн Халгай нэрт далайн залхаг нь маш хүчтэй өвтгөдөг хатгууртай. Гэхдээ хатгуур нь үхэлд хүргэх нь ховор. Хайрцагт далайн залхаг зэрэг төрлийнх нь бол шууд үхэлд хүргэх аюултай. Тунгалаг биетэй учир усанд байхдаа бусад амьтдад харагддаггүй. Тиймээсч бусад амьтан болон хүмүүс санамсаргүй хатгуулж амь насандаа эрсдэл учруулдаг.