Дуучин Тейлор Свифт дэлхийг тойрон тоглолтоо туурвих болгонд зөвхөн түүний шүтэн бишрэгч нар тоглолт болох өдрүүдийг нь анхаарал тавин хүлээдэггүй. Харин ч ихээхэн Европын нэр хүндтэй эдийн засагч нар дуучныг цэнгэлдэхээс цэнгэлдэх хүртэл дуулахад эдийн засаг хэрхэн өөрчлөгдөхийг ажиглахын тулд зуны турш анхаарлаа Тейлор Свифтээс салгаддагүй байна.
Өнгөрөгч даваа гарагт Европын Төв Банкны ахлах эдийн засагч Филип Лейн, дуучны эдийн засагт авчрах нөлөөний талаар ярилцлага өгөхдөө дурджээ. Сурвалжлагч түүнээс инфляцийн өсөлт ирж яваа жуулчдын сүрэг, Парист болох Олимпын наадам болон Германд болох Евро 2024 хөл бөмбөгийн аваргын тэмцээн зэргийг харгалзан хэрхэх вэ гэдгийг асуужээ.
Тэрбээр “Наадах чинь харин сонирхолтой байна шүү. Чи яаж энэ зуны эвентүүдэд Тейлор Свифтийг оролцуулахгүй байж чадав аа” хэмээн хариулсан юм.
Хатагтай Свифт энэ зун Европт айлчилж байгаа бөгөөд үүнийг дагаад мянга, мянгаараа сэрэх түүний шүтэн бишригчэд онгоцны буудал, зочид буудал, ресторануудаар явж асар их хэмжээний гүйлгээ хийх юм. Зургаадугаар сарын 21-ны өдөр тэр Лондон дахь Вембли цэнгэлдэхэд нийт найман удаагийн цуврал тоглолтынхоо хамгийн эхнийхийг зохион байгуулах юм. Энэ тоглолтод 700 мянган хүн очихоор төлөвлөгдсөн байна. Үүний дараагаар эдийн засгийн ямар ул мөр үлдэх вэ гэдгийг шинжээчид таамаглахыг хичээсээр.
Эдийн засагч Кришаны хэлж байгаагаар наймдугаар сард болох аялан тоглолт нь Лондон хотод дахин эргэн ирэх үед Их Британид үйлчилгээний үнийн өсөлт нэмэгдүүлэх эрсдэлтэй. Үүний гол шалтгаан нь тус улсын статистикийн агентлаг үнийн дата бүртгэдэг өдөртэй Свифтийн нэг тоглолт давхцаж таарч буй юм. Хэрэв энэ сард Ливерпүүлд тоглолт болоход байсан зочид буудлын ханшийг барьвал үйлчилгээний инфляци 0.3 нэгж хүртэл өсөх магадлалтай. Ийн наймдугаар сард инфляцийн түвшин төсөөлснөөс өндөр байж болзошгүй нь Английн банкны ажилтнуудыг есдүгээр сард хүүгээ бууруулахаа зогсооход түлхэц болно гэж Кришан хэлэв.
Эх сурвалж – https://www.nytimes.com/international/
Бэлтгэсэн дадлагажигч оюутан Э.Номин
