Энэтхэгт сошиал медиа инфлүүнсэрүүд Сонгуулийн Ерөнхий Хороо (СЕХ)-ын хяналтан дор орсон ч үзэл бодлыг төлбөртэй контентоос ялгах нь том шалгуур болж байна.
Сонгуулийн санал хураалт ойртож буй үед цахим орчин дахь хариуцлагатай улс төрийн үзэл санааг ялгах нь чухал. Тэгвэл Энэтхэгийн СЕХ сошиал медиа инфлүүнсэрүүдийг хяналтдаа байлгаж нам болон нэр дэвшигчдэд шууд бус зар сурталчилгаа хийж буй хүмүүсийг тодруулж байна.
Өнгөрөгч гуравдугаар сарын 19-ны өдөр СЕХ-ний удирдах ажилтнууд Зан Үйлийн Загвар Дүрэм (ЗҮЗД) хэмээх хуулийн заалтыг интернет болон цахим орчинд явагдаж буй сонгуулийн кампанит ажилд ч мөн тусгахыг зарласан юм.
“Бид одоогоор дүүргийн хэмжээнд 300 орчим контент цацаж буй инфлүүнсэрүүдийг хяналтдаа байлгаж байна” хэмээн Карнатака дүүргийн медиа технологийн тусгай оффицер Сурьясан А.В мэдэгдлээ. Мөн тэд дүүргийн иргэдэд хэвлэл мэдээллийн улс төрд үзүүлэх нөлөөг тайлбарласан, сонгогчдын мэдлэгийг дээшлүүлэх зорилготой сургалтуудыг явуулж эхэлсэн байна. Энэхүү сургалт нь Карнатака дүүргийн Мэдээлэл Харилцаа Холбооны Албатай СЕХ хамтран зохион байгуулсан үйл ажиллагаа юм.
Эдгээр цахим орчин дахь хаягуудад хяналт тавих тусгай ажилчдыг аль хэдийн томилсон бөгөөд хэрэв тухайн ажилчин ямар нэгэн сэжиг бүхий мэдээлэл цацаж буй инфлүүнсэрийг илрүүлбэл, нэмж судалгаа хийн шаардлагатай тохиолдолд report буюу тухайн платформ дээр гомдол мэдүүлэх арга хэмжээг авч байгаа аж.
Бэлтгэсэн дадлагажигч оюутан Э.Номин