Өнгөрөгч мягмар гарагт Лондоны Сент Панкрас өртөөн дээр дуучин Дуа Липа болон түүний найз залуу Каллум Тернер нар Парис дахь аяллаасаа буцаж явахдаа папарацийнхны дуранд өртжээ. Алдартай хосуудын олны анхаарлыг булаасан зүйл нь ганцхан тэдний нэр хүнд байсангүй. Харин тэдний аялалынхаа үеэр өмссөн хувцас, загварын хэв маяг нь олон хүмүүсийн ярианы сэдэв болжээ.
Тэдний хосолж өмссөн хоёр өөр өнгийн савхин хүрэмнээс гадна 60, 70-аад оныг санагдуулах хүмүүсийн сэтгэлд ойр үлдсэн нэг гоёл чимэглэл шууд л нүдэнд тусах аж. Нэг нэгнээс нь давхарлан зүүж орооцолдуулсан түлхүүрийн оосор, Hermès Twilly ороолтыг мөн л Hermès брендийн хар цүнхнээсээ зүүсэн байдал нь өөр нэгэн замбараагүй байдлын загварлаг хатан хаан болох алдарт Жейн Биркинийг санагдуулна.
Харин түүний жүжигчин хос болох Тернер олон төрлийн өнгөлөг стикерээр дүүртэл нь чимэглэсэн мөнгөлөг Римова брендийн чемодан түрчээ. Ингээд л харахад хосууд Парисаас биш 1960-аад оны цаг хугацаагаар аялан ирсэн жуулчид гэж андуурагдахаар.
Уг нь бол Тернерийн чемодан дээрээ наасан стикернүүд дунд нэг ч 1900-аад оны зураг байхгүй. Гэвч өнгө дүрслэлийн хувьд эдгээр зургууд тухайн үед Европын зочид буудлуудаас үнэгүй өгдөг байсан аяллын бэлгэ тэмдэг болсон стикернүүдтэй тун төстэй харагдана. Үнэхээр л 1900-ээд онд маркетингийн арга болгож гадаадын зочид буудлууд үйлчлүүлэгчиддээ үнэгүй стикер, постер тарааж, тэдгээрийг аялагчид гар тээшин дээрээ наадаг байжээ.
Амьдрал улам л цахимжиж буй энэ үед, гарт баригдах, хуучны хийцлэлтэй зүйлсийн үнэ цэн улам дээшилж байгаагийн нэгэн жишээ нь энэ болов уу. Өнгөрсөн арванхоёрдугаар сарын байдлаар л гэхэд Их Британийн пянзны худалдаа 1990 оноос хойш түүхэнд байгаагүй дээд хэмжээнд хүрчээ. Үүнтэй адилаар, дуучин Тайлор Свифтийн 2023 оны “Eras” тоглолтын үеэр шүтэн бишрэгчид инстаграм хаягаа солилцохын оронд гараар хийсэн бугуйвчнуудыг нэгэндээ бэлэглэсэн юм.
Эх сурвалж – https://edition.cnn.com/2024/03/29/style/dua-lipa-callum-turner-lotw/index.html
Бэлтгэсэн дадлагажигч оюутан Э.Номин
