Гиннесийн дээд амжилтыг 14 удаа эвдэж байсан Колумбын алдарт дуучин Шакира 47 нас хүрлээ. Түүний бүтэн нэр нь Шакира Исабель Мебарак Риполль. Харин Шакира гэдэг нь “Гoo үзэсгэлэнтэй, өгөөмөр бүсгүй” гэсэн утгыг агуулдаг бөгөөд энэ нэрийг ээж нь өгчээ.
Дөрвөн настай Шакираг эцэг нь гэрийнхээ ойролцоох нэгэн ресторанд дагуулан оржээ. Үндэсний хөгжмийн аянд бэлхүүсний бүжиг хийж буй хүмүүсийг харсан охин нь өндөр өсгийт шаардаж, тэр даруй ширээн дээр гарч бүжиглэж эхэлсэн нь заал дүүрэн алга ташилтаар шагнуулсан аж. Энэ мөчид Шакира өөрийгөө урлагийн хүн болох учиртайг анх ойлгосон гэдэг.
