АНУ-ын залуучуудын дунд улс орон даяар байлдан дагуулсан “зуны хит дуу” гэхээр тодорхой нэг дуу сүүлийн жилүүдэд байсангүй. Залуучуудын олон талт сонирхол, аль хэдийн цахим орчныг тэргүүлсэн Тик Ток аппликейшны нөлөөгөөр, залуу уран бүтээлчдийн хувьд шинэ дуундаа богино хугацаанд их хэмжээний хандалт авах нь таамаглашгүй саад бэрхшээлүүдийнх нь нэг болсон юм. Уран бүтээлчид Тик Токийг хөгжмийн салбар дахь хамгийн том маркетингийн салбар гэдгийг хүлээн зөвшөөрөөд удаж байгаа ч уг платформ дээр шинэ тренд богино хугацаанд эхлээд богино хугацаанд дуусдаг нь үнэн билээ.
Тэгсэн хэдий ч энэ хувьсамтгай байдлаас үл хамааран энэ зуны турш кафе, үдэшлэг, клуб зэргээр тасралтгүй явагдах хоёр дууг Вашингтон Пост судалгаагаар илрүүлээд байгаа нь Сабрина Карпентерийн “Espresso,” Томми Ричманы “Million Dollar Baby” нар юм.
25 настай, Диснейд жүжигчнээр урлагийн карьераа эхлүүлж байсан дуучин Сабрина Карпентерийн бусад дуунууд ч Биллбоардын жагсаалтад дээгүүрт бичигдэж байна. Гэвч “Espresso” дууны хэмнэл нь хөнгөн хэр нь аманд ороход амархан үгтэй, клипний хувьд зуны өнгө аясыг санагдуулах, хошин хэр нь сонирхолтой үйл явдалтай гэдгээрээ олон хүмүүст таалагджээ.
Харин Томми Ричманы хувьд Тик Ток дээр хүмүүс түүний дуунд тааруулан бүжиг дэглэж олныг хамарсан тренд эхэлсэнээр уг дууны нэр хүнд огцом дээшилсэн юм. Уг дууны онцлог нь 80-иад оны уур амьсгалыг санагдуулсан дууны хэмнэл, зуны эрх чөлөөтэй байдлыг илэрхийлэх дууны үг нь залуусыг татсан байна.
Эх сурвалж – https://www.washingtonpost.com/entertainment/music/2024/06/12/sabrina-carpenter-tommy-richman-summer-songs/
Бэлтгэсэн дадлагажигч оюутан Э.Номин