Энэтхэгийн хяналтад байдаг Кашмир мужид Хиндү мөргөлчдийг тээвэрлэж явсан автобусанд буудалцаан болж, жалга руу унасны улмаас есөн хүн амиа алдаж, 33 хүн шархадсан талаар цагдаагийн газраас мэдээллээ.
Уг осол нь ням гаригт автобус Реси тосгоны нэгэн алдартай Хиндү шашны сүмээс буцаж явах үед болсон байна. Реси дүүргийн цагдаагийн дарга Мохита Шарма хэлэхдээ “аврах ажиллагаа дуусч, шархадсан хүмүүсийг Нараяна болон Реаси дүүргийн эмнэлэгт хүргэсэн” гэв.
Одоогоор халдлагын хариуцлагыг зохих хүмүүст нь хүлээлгээгүй байна. Энэтхэгийн Сөрөг хүчний Конгресс намын ерөнхийлөгч Малликаржун Харге олон нийтийн мэдээллийн X платформ дээр аймшигт террорист халдлагыг буруушаажээ.
1989 онд зэвсэгт бослого гарснаас хойш Гималайн бүс нутаг хүчирхийлэлд нэрвэгдээд байгаа бөгөөд сүүлийн жилүүдэд хүчирхийлэл багассан ч хэдэн арван мянган хүн амь үрэгдсэн хэвээр байна. Энэтхэг улс Пакистан улсыг Кашмир дахь босогчдыг дэмжиж, зэвсэглэсэн гэж байнга буруутгадаг аж.
Эх сурвалж – https://www.aljazeera.com/news/2024/6/9/at-least-nine-killed-after-attack-on-bus-in-indian-administered-kashmir
Бэлтгэсэн дадлагажигч оюутан Э.Номин
