БНАСАУ өнгөрсөн бямба гарагийн оройноос хойш ууттай хог зөөсөн 330 орчим бөмбөлөг Өмнөд Солонгос руу хөөргөснөөс 80 орчим нь байгаа олж газардсан гэж Сөүлийн Штабын Нэгдсэн Хороо (СШНХ) өнгөрөгч тавдугаар сарын 10-нд мэдэгдэв.
Бөмбөлгөөс бэхэлсэн хогон дунд хаягдал цаас, хуванцар гэх мэт байсан бөгөөд азаар ямар нэгэн аюултай бодис байгаагүй аж. Тавдугаар сарын 28-наас хойш ийм 1,060 орчим бөмбөлөг Өмнөд Солонгос руу илгээгдээд байна.
Хойд Солонгос уг үйлдлээ кампанит ажил гэж нэрлээд байгаа бөгөөд тэднийг ийн бөмбөлөг хөөргөхөөс ч өмнө Өмнөд Солонгосоос хааяа ухуулах хуудас, к-попийн бичлэгүүд суулгасан флаш диск ирүүлдэг байсны эсрэг үйл ажиллагаа гэж тодорхойлсон байна.
Хойд Солонгосын ерөнхий сайд “хилээр бөмбөлөг давуулахаа түр зогсооно” гэж мэдэгдэж байсан боловч өнгөрөгч Пүрэв гарагт Өмнөд Солонгосчууд дургүйцлээ илэрхийлэхдээ удирдагч Ким Чен Уныг буруушаасан олон зуун мянган ухуулах хуудас, к-поп, к-драма хадгалсан 5 мянган флаш дискийг зөрүүлэн илгээжээ.
Өмнөд Солонгосын СШНХ бямба гарагийн орой Хойд Солонгос “хогон бөмбөлөгөө ихэсгэж басйна” хэмээн мэдэгдэж, салхины чиглэл нь агаарын бөмбөлгүүдийг урд зүг рүү хүргэж болзошгүйг анхааруулав. Дээрээс унаж ирэх зүйлээс болгоомжлох, унасан бөмбөлөгт хүрэхгүй байх, олсон зүйлээ хамгийн ойр байрлах цэргийн анги, цагдаад мэдэгдэхийг зөвлөжээ.
Бэлтгэсэн дадлагажигч оюутан – Э.Номин