77 дахь удаагаа зохион байгуулагдаж буй Каннын кино наадам ялгаварлан гадуурхлын өнгө аястай болж өнгөрлөө хэмээн шүүмжлэлд өртөөд байгаа юм. Тодруулбал өнгөрсөн долоо хоногт болж өнгөрсөн наадамд БНСУ-ын дуучин Юун А ялгаварлан гадуурхалд өртжээ. Зөвхөн Юун А гэлтгүй өнгөт арьстан жүжигчин, дуучид хүртэл уг гадуурхалд өртсөн байна.
Кино наадмын улаан хивсний ёслолын үеэр хамгаалалтад ажиллаж байсан эмэгтэй ажилтан жүжигчин Массиел Таверас, дуучин Келли Роуланд болон ази дуучин Юун А нарын зураг авахуулах шаардлагагүй гэж илтгэн улаан хивснээс түргэн холдуулахаар түлхэж харьцажээ. Харин бусад цагаан арьст хүмүүстэй энгийн хүндэтгэлтэй харьцаж байсан нь дүрс бичлэгүүдэд ч хадгалагдан үлдсэн байна.
Нэр хүндтэй уг кино наадмын зохион байгуулалтын явцад ийм үйлдэл гарсан нь олон хүний дугүйцлийг төрүүлж байгаа бөгөөд ёс суртахууны зөрчил гаргасан ажилтанд хариуцлага тооцохыг шаардаж байгаа аж.
