Нийтээр тэмдэглэх баярын болон тэмдэглэлт өдрүүдийн тухай хуульд зааснаар Бурхан багшийн Их дүйчин өдөр: билгийн тооллын зуны тэргүүн сарын шинийн 15-нд бүх нийтээр амрахаар заасан.
Энэ жил уг өдөр Пүрэв гараг буюу тавдугаар сарын 23-ны өдөр тохиож байна.
Бүх нийтийн амралтын өдөр ажиллах зохицуулалтыг хуульд юу гэж зохицуулсан байдаг вэ?
Тасралтгүй ажиллагаатай үйлдвэрлэл, хүн амын нийтлэг үйлчилгээ, тээвэр, холбооны болон зайлшгүй шаардлагатай ажил гүйцэтгүүлэх, хөдөлмөрийн тухай хуульд заасан илүү цагаар ажиллуулж болох тохиолдлоос бусад тохиолдолд нийтээр амрах баярын болон долоо хоногийн амралтын өдөр ажилтан өөрөө зөвшөөрснөөс бусад тохиолдолд ажил олгогчийн санаачилгаар ажиллуулахыг хориглоно.
Нийтээр амрах баярын өдөр ажилласан ажилтныг нөхөн амруулаагүй бол түүний дундаж цалин хөлсийг хоёр дахин, түүнээс дээш хэмжээгээр нэмэгдүүлж олгоно.
