Нэг жилийн хугацаанд түр завсарласан “Код бичих охидын хөтөлбөр” 2024 дахин зарлагдаж, энэ Баасан гарагийн /2024.05.17/18.00 цагт бүртгэл нь хаагдах гэж байна.
“Код бичих охидын хөтөлбөр”-т энэ жил 30 охиныг хамруулах бөгөөд код бичих ур чадварт суралцахын зэрэгцээ англи хэлний мэдлэг, ур чадвараа сайжруулах, 21 аймаг, 9 дүүргийн найз нөхөдтэй болох боломжтой.
Түүнчлэн Энержи Ресурс ХХК-ийн Өмнөговь аймгийн Цогтцэцийн суманд байрлалтай Ухаа худаг нүүрсний уурхайн үйл ажиллагаатай танилцахаас гадна бусад ивээн тэтгэгч, дэмжигч байгууллагын оффисоор зочлох ховорхон боломжийг бид олгож байна.
Үүний зэрэгцээ, салбартаа манлайлж буй экспертүүд болох Тесла компанийн инженер Э.Жавхлан, Оксфордын их сургуульд сансар судлал, өгөгдлийн шинжлэх ухаанаар докторын зэрэг хамгаалж буй Б.Марал, OpenAI компанийн Бодлого хариуцсан захирал Никола, Google-ийн хиймэл оюун ухааны ахлах судлаач М.Цэндсүрэн, Самсунг группын менежер Р.Эрдэнэтулга болон Нано интернэйшнл группын Гүйцэтгэх захирал Б.Бүжинлхам нар энэ жилийн хөтөлбөрт хамрагдах 30 охины ментороор ажиллана.
Код бичих охидын хөтөлбөрт бүртгүүлэх бол доорх линк дээр дарж бүртгүүлээрэй.
- Бүртгэлийн линк: https://forms.gle/mMr6YrR3p7mirU6c9
- Бүртгэлийн хугацаа: 2024.05.17-ны 18.00 цаг
- Холбоо барих утас: [email protected]
Хөтөлбөрийн ивээн тэтгэгч:
- Энержи Ресурс ХХК
- НҮБ-ын Хүүхдийн сан
- Голомт банк
- Нано интернэйшнл ХХК
- Ондо ХХК
Хөтөлбөрийг дэмжигч байгууллага
- Боловсрол, шинжлэх ухааны яам
- Монгол Улсын их сургуулийн Мэдээллийн технологи, электроникийн сургууль
- Nature Republic
- Lemonpress
- Unread
- Humanz
