Дуучин Жастин Бибер, загвар өмсөгч Хэйли Бибер нар анхны хүүхдээ өлгийдөн авах гэж буй баярт мэдээгээ өчигдөр өөрсдийн инстаграм хуудсаар дамжуулан мэдэгдсэн.
Зургаан сартай жирэмсэн Хэйли Бибер сүүлийн үед зохиогдсон арга хэмжээнд харагдахаа больсон нь зарим нэг сөрөг таамаглалуудыг дэвшүүлээд байсан. Бүр хосуудыг хоёр тийш болсон гэх цуурхалууд гарсаар байсан ч ийнхүү тэд хэдхэн сарын дараа бүл нэмэхээр болсноо гэнэтийн байдлаар зарлаж бүх эргэлзээг нэг тийш болгожээ.
Оддын амьдралын бүхий л алхмууд тэдний фэнүүдэд ил тод бас сонирхолтой байдгийн жишээгээр Селена Гомезийн инстаграмдаа оруулсан 24 цагийн түүх олон хүний шүүмжлэлд өртөөд амжлаа. Дуучин Селена Гомез Жастин Бибертэй найман жилийн хугацааны албан ёсны дотно харилцаатай байсны эцэст салсан ба өнгөрсөн арванхоёрдугаар сард продюсер Бенни Бланкотой болзож буйгаа зарласан.
