К-Поп охидын IVE хамтлагийн хоёр дахь EP “IVE Switch”-ийн гол синглүүдийн нэг болох “Heya” дууны клип дөрөвдүгээр сарын 29-нд нээлтээ хийснээсээ хойш шуугиан тарьж байна.
“Гомбангдае” (тамхи татах) гэх мэт гаанс ашиглан Солонгосын уламжлалт соёлыг бүтээлчээр харуулсан гэх IVE хамтлагийн дууны клипийн гайхалтай дүрслэлүүд нь дэлхийн өнцөг булан бүрд байгаа шүтэн бишрэгчидийн анхаарлыг ихээр татаж буй. Өчигдрийн байдлаар тэдний клип үзэлт YouTube дээр аль хэдийн 19 сая хандалтыг даваад байна.
Гэсэн хэдий ч IVE нь Хятадын сошиал хэрэглэгчдийн гэнэтийн шүүмжлэлд өртөж байгаа бөгөөд тэд өөрсдийнхөө хэлснээр хэт олон хятад элементийг клипиндээ оруулсан нь бидний соёлыг өөрийн болгож байна гэж мэдэгджээ. Бэхэн чимэглэл, сэнс, гутал, гишүүдийн өмсдөг “норига” (Солонгосын уламжлалт дагалдах хэрэгсэл) зэрэг онцлог нь Хятадын соёлоос улбаатай гэж тэд онцолдог. Мөн клипэнд дүрслэгдсэн уулын зургийг зөвхөн Хятадын өмнөд хэсгээс олж болно гэж байгаа юм.
Олон хүмүүс клипний чимэглэл дээр ажилласан зураач Пак Жи Юныг олон нийтийн сүлжээгээр ихээхэн шүүмжилж байгаа юм.
Харин IVE-ийн Starship Entertainment агентлагийн мэдээлснээр “Heya” бол наранд дурласан барын тухай IVE-ийн өөрийнх нь үлгэр гэж тайлбарлажээ.
Хамтлагийн гишүүн Южин даваа гарагт шууд нэвтрүүлэгт оролцох үеэрээ мөн энэ тухай дурдсан ба солонгос элемент нэмж, солонгос хувцас өмссөн нь үнэхээр утга учиртай бөгөөд хөгжилтэй байсан гэж хэлжээ. IVE-ийн гишүүд уг клип дээр өөрсдийн үндэсний хувцас болох “Ханбок”-аас санаа авч дүр төрх бүрдүүлсэн байна.
Өмнөд Солонгосын зарим сошиал хэрэглэгчид энэ үйл явдалд хариулахдаа “Хятадын интернэт хэрэглэгчид өөр улсын соёлын өвийг өөрийн өмч хэмээн зарлаж IVE руу дайрч байгаа нь анхны тохиолдол биш. 2022 онд тэд хамтлагийн гишүүн Вонёныг Парисын загварын долоо хоногт оролцохдоо галт шувууны “Бинёо” буюу 1392-1910 оны Жосон гүрний үед хааны гэр бүлийнхэн өргөн хэрэглэж байсан солонгос үсний хавчаар зүүсэн гэж шүүмжилсэн. “Бинёо”-г Солонгосоос үүсэлтэй тул эх орныхоо түүх, гоо сайхныг толилуулахад ашигласан. Тэгэхэд мөн л манай соёл гэж дайрч байсан” гэж хариу шүүмжилжээ.